सशस्त्र प्रहरी निरीक्षक खनाल द्वारा साढ़े १४ लाखको सामान पक्राउ

रौतहट /०७, फाल्गुन / रौतहट जिल्लाको राजदेवी नगरपालिका वड़ा नंबर ८ लक्ष्मीपुर बेलविच्छबामा रहेको सशस्त्र प्रहरी बलका इन्स्पेक्टर पशुपति खनालले साढ़े १४ लाख मूल्य बरावरको सामान बरामद गरेको छ ।

 सिमापारी भारतीय बजारबाट अबैध रुपमा लक्ष्मिपुर वेलविछवा नाका भएर नेपाल प्रवेश गराएका  उक्त मूल्य बरावरको सामान पक्राउ गरेको हो ।  भारतबाट राजश्व छली गारी ल्याउदै गरेको सुराकीको आधारमा खटि गएको सशस्त्र प्रहरीका टोलीले एउटा ट्रैक्टर , एक थान मोटर साइकल , कपडा लत्ता .पलास्टिकको कुर्सी लगायतका सामान पक्राउ गरेको सशस्त्र प्रहरी निरीक्षक खनालले जानकारी गराएका छन ।

खुल्ला सिमाना भएकोले विभिन्न किसिमका तस्करी हुने आशंका रहेकोले निगरानी कड़ा गरिएको उहाले बताएका छन ।  भारतबाट नेपालमा भित्रयाउदै गरेको २ लाख २५ हजार २ सय मूल्य बरावरको का‘स्मेटिक सामान , टेन्टको कपड़ा ,त्रिपाल , कुर्सी रहेका छन ।

नेपालबाट भारत तर्फ लैजाँदै गरेको अवस्थामा न्यू होलैण्ड कम्पनीको इन्जिन नम्बर आर०६०६०९के को ट्रैक्टर र १५० सीसी भएको पल्सर मोटरसाइकल १२ लाख २७ हजार मूल्य बरावरको सामान रहेको छ । १४ लाख ५२ हजार २ सय मूल्य बरावरको पक्राउ परेको सामान कार्यवाहिको लागि जिल्ला भन्सार कार्यालयमा बुझाइएको इंस्पेक्टर खनालले बताएको छ ।

 अबैध कारोवार संचालन गर्ने व्यापारीको ढाँड भाँच्चिएको बताउदै इंस्पेक्टर खनालले अबैध व्यापार गर्न पल्केका व्यापारीहरु यहाँबाट पलायन हुने विश्वास व्यक्त गरे । अबैध कार्यलाई नियन्त्रण गर्नमा स्थानीय बासिन्दाहरुको सहयोगको अपेक्षा समेत उनले गरे ।