पार्टी एकताको आवधारणा तयार पार्ने एमाले स्थायी कमिटीको बैठक बालकोटमा सुरु /* - - - Script for Auto Navigation - - - */

राजनिति

पशुपति क्षेत्रलाई गइरहुँ, बसिरहुँ लाग्ने बनाउनुपर्छः पर्यटनमन्त्री

काठमाडौँ बैशाख ५


संस्कृति, पर्यटन तथा नागरिक उड्ययनमन्त्री रवीन्द्र अधिकारीले पशुपति क्षेत्र गइरहुँ, बसिरहुँ लाग्ने गरी पूर्वाधार निर्माण गर्न छ महिनाभित्रमा गुरुयोजना बन्नुपर्ने बताएका छन्।


पशुपति क्षेत्र विकास कोषको ३२औँ वार्षिकोत्सवका अवसरमा बुधबार पशुपतिमा आयोजित कार्यक्रममा उनले विश्व सम्पदा सूचीमा सूचीकृत भएको पशुपति क्षेत्रलाई आकर्षक धार्मिक पर्यटकीयस्थलका रुपमा विकास गर्ने कार्यक्रम बनाउन सुझाव दिए।

कोष सञ्चालक परिषद्का अध्यक्षसमेत रहेका मन्त्री अधिकारीले धार्मिक क्षेत्रलाई व्यापारिक थलो बनाउन नहुने बताए। रुद्राक्ष, कपूरलगायत पाँच हजार धार्मिक प्रजातिका बिरुवा रोप्ने गृहकार्य थाल्न पनि उनले कोषका पदाधिकारीलाई निर्देशन दिए।

‘पशुपतिमा काम गर्नेको मन, भावना शुद्ध हुनुपर्छ, आउँदो आर्थिक वर्षलाई सम्पदा पुनःनिर्माणको वर्ष घोषणा गरिँदैछ,’ उनले भने, ‘आर्थिक वर्ष २०७५/७६ मा भूकम्पले भत्किएका ८० प्रतिशत सम्पदा पुनःनिर्माण भइसक्ने गरी कार्यक्रम ल्याउने तयारीमा मन्त्रालय लागेको छ, २० प्रतिशत सम्पदा निर्माणको काम आव २०७६/७७ सम्म सकिने छ।’

प्राचीन रुपमा निर्माण भएका पशुपतिका संरचना नबिगारी पूर्वीय दर्शन र संस्कृतिको अध्ययनका लागि कोषले विश्वविद्यालय नै चलाउने कार्यक्रम बनाउन पनि उनले अनुरोध गरे।

कोषका सदस्यसचिव डा. प्रदीप ढकालले पशुपति क्षेत्रलाई विश्वका वैदिक सनातन धर्मावलम्बीको आकर्षणको केन्द्र बनाउने गरी पूर्वाधार निर्माणलगायत सुधारका कामको तयारी गरिएको जानकारी दिए।

कोषका पूर्व कोषाध्यक्ष तारानाथ सुवेदीले पारदर्शी भएर काम गर्न नसके धार्मिक संस्थाका प्रति जनताले विश्वास नगर्ने भएकाले जिम्मेवार भएर काम गर्न सुझाव दिए।

कोषका कार्यकारी निर्देशक रमेशकुमार उप्रेतीले समसामयिक रुपमा ऐन संशोधन गरिनुपर्नेमा जोड दिए। रासस

दीपेन्द्र झा मुख्य न्यायाधिवक्तामा नियुक्त - 2018-02-19
जनकपुरधाम/०६,फाल्गुन/ अधिवक्ता एवं अधिकारकर्मी दीपेन्द्र झा दुई नम्बर प्रदेशको मुख्य न्यायाधिवक्तामा नियुक्त भएका छन् । दुई नम्बर प्रदेशको मुख्यमन्त्रीकाे सिफारिसमा प्रदेश प्रमुखले झालाई मुख्य न्यायाधिवक्तामा नियुक्त

एक वर्ष ६ महिनापछि बालुवाटार फर्किए ओली - 2018-02-18
काठमाडौं फागुन ६ प्रधानमन्त्री केपी शर्मा ओली बालुवाटारस्थित सरकारी निवास प्रवेश गरेका छन्। चार बजे निर्धारित समय भनिए पनि साँझ ६ः८ बजे उनी बालुवाटार प्रवेश गरेका हुन्।

वामगठबन्धन टुटाउन प्रलोभन र धम्की दिइयो - प्रचण्ड - 2018-02-17
बर्दिबास फागुन ५ माओवादी केन्द्रका अध्यक्ष पुष्पकमल दाहाल ‘प्रचण्ड’ ले निर्वाचनमा बहुमत आएपछि विभिन्न प्रलोभन र धम्की दिएर वाम गठबन्धन टुटाउने प्रयास भइरहेको दावी गरेका छन्। प्रधानमन्त्री तथा एमाले अध्यक्ष केपी शर्मासँग भएको भेटलगत्तै महोत्तरीको हात्तीलेट पुगेका प्रचण्डले त्यहाँ आयोजित सभा तथा पार्टी प्रवेश कार्यक्रममा यस्तो दावी गरेका हुन्।

निर्वाचन दिवस भव्य रुपमा मनाइने - 2018-02-17
काठमाडौं फागुन ५ निर्वाचन आयोगले यही फागुन ७ गते सोमबार निर्वाचन दिवस भव्यरुपमा मनाउने भएको छ। मुलुकको राजनीतिक र संवैधानिक संक्रमणलाई शीघ्र अन्त्य गर्ने सन्दर्भमा एक वर्षभित्र चार वटा महत्वपूर्ण निर्वाचन गराएर स्यावासी पाएको निर्वाचनकै क्रममा दिवस मनाउने भएको हो।

२ नम्बर प्रदेशमा मन्त्रीमण्डल बिस्तारः यादव अर्थ र सोनाल पूर्वधारमन्त्री - 2018-02-15
जनकपुर फागुन ३ प्रदेश नम्बर दुईका मुख्यमन्त्री लालबाबु राउत गद्दीले बिहीबार मन्त्रिपरिषद बिस्तार गरेका छन्। बिहीबार मुख्यमन्त्री राउतले दुई जना मन्त्री नियुक्त गरेका हुन्।

केपी ओली नेपालको ४१ औं प्रधानमन्त्रीमा नियुक्त, सपथ आजै - 2018-02-15
काठमाडौँ फागुन ३ एमाले अध्यक्ष केपी शर्मा ओली नेपालको ४१ औं प्रधानमन्त्रीमा नियुक्त भएका छन्। वाम गठबन्धनको तर्फबाट ओलीलाई प्रधानमन्त्री बनाउन राष्ट्रपति समक्ष बहुमत सांसदको दावी पेश भए पछि राष्ट्रपति विद्यादेवी भण्डारीले ओलीलाई प्रधानमन्त्री नियुक्त गरेकी हुन्। संविधानको धारा ७६ को उपधारा २ बमोजिम राष्ट्रपति भण्डारीले ओलीलाई प्रधानमन्त्रीमा नियुक्त गरेकी हुन्।

ओलीलाई प्रधानमन्त्री बनाउने एमाले स्थायी समितिको निर्णय - 2018-02-14
काठमाडौं फागुन २ एमालेले अध्यक्ष केपी शर्मा ओलीलाई प्रधानमन्त्रीका रुपमा अघि सार्ने निर्णय गरेको छ। आज बसेको एमाले स्थायी समितिको बैठकले ओलीलाई प्रधानमन्त्री बनाउने निर्णय गरेको हो। अध्यक्ष ओलीकै नेतृत्वमा चुनावमा गएपछि यसअघि एमालेले प्रधानमन्त्रीका विषयमा आधिकारिक निर्णय गरेको थिएन।

५ बजे देशवासीका नाममा सम्बोधनसँगै प्रधानमन्त्रीको राजिनामा - 2018-02-14
काठमाडौं फागुन २ प्रधानमन्त्री देउवाले आजै देशवासीका नाममा सम्बोधन गरी प्रधानमन्त्री पदबाट राजिनामा दिने भएका छन्। राजिनामा अघिको देउवा मन्त्री परिषदको अन्तिम बैठक भर्खर प्रधानमन्त्री निवास बालुवाटारमा सुरु भएको छ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 NEXT




Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2111067 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top