पार्टी एकताको आवधारणा तयार पार्ने एमाले स्थायी कमिटीको बैठक बालकोटमा सुरु /* - - - Script for Auto Navigation - - - */

राजनिति

पशुपति क्षेत्रलाई गइरहुँ, बसिरहुँ लाग्ने बनाउनुपर्छः पर्यटनमन्त्री

काठमाडौँ बैशाख ५


संस्कृति, पर्यटन तथा नागरिक उड्ययनमन्त्री रवीन्द्र अधिकारीले पशुपति क्षेत्र गइरहुँ, बसिरहुँ लाग्ने गरी पूर्वाधार निर्माण गर्न छ महिनाभित्रमा गुरुयोजना बन्नुपर्ने बताएका छन्।


पशुपति क्षेत्र विकास कोषको ३२औँ वार्षिकोत्सवका अवसरमा बुधबार पशुपतिमा आयोजित कार्यक्रममा उनले विश्व सम्पदा सूचीमा सूचीकृत भएको पशुपति क्षेत्रलाई आकर्षक धार्मिक पर्यटकीयस्थलका रुपमा विकास गर्ने कार्यक्रम बनाउन सुझाव दिए।

कोष सञ्चालक परिषद्का अध्यक्षसमेत रहेका मन्त्री अधिकारीले धार्मिक क्षेत्रलाई व्यापारिक थलो बनाउन नहुने बताए। रुद्राक्ष, कपूरलगायत पाँच हजार धार्मिक प्रजातिका बिरुवा रोप्ने गृहकार्य थाल्न पनि उनले कोषका पदाधिकारीलाई निर्देशन दिए।

‘पशुपतिमा काम गर्नेको मन, भावना शुद्ध हुनुपर्छ, आउँदो आर्थिक वर्षलाई सम्पदा पुनःनिर्माणको वर्ष घोषणा गरिँदैछ,’ उनले भने, ‘आर्थिक वर्ष २०७५/७६ मा भूकम्पले भत्किएका ८० प्रतिशत सम्पदा पुनःनिर्माण भइसक्ने गरी कार्यक्रम ल्याउने तयारीमा मन्त्रालय लागेको छ, २० प्रतिशत सम्पदा निर्माणको काम आव २०७६/७७ सम्म सकिने छ।’

प्राचीन रुपमा निर्माण भएका पशुपतिका संरचना नबिगारी पूर्वीय दर्शन र संस्कृतिको अध्ययनका लागि कोषले विश्वविद्यालय नै चलाउने कार्यक्रम बनाउन पनि उनले अनुरोध गरे।

कोषका सदस्यसचिव डा. प्रदीप ढकालले पशुपति क्षेत्रलाई विश्वका वैदिक सनातन धर्मावलम्बीको आकर्षणको केन्द्र बनाउने गरी पूर्वाधार निर्माणलगायत सुधारका कामको तयारी गरिएको जानकारी दिए।

कोषका पूर्व कोषाध्यक्ष तारानाथ सुवेदीले पारदर्शी भएर काम गर्न नसके धार्मिक संस्थाका प्रति जनताले विश्वास नगर्ने भएकाले जिम्मेवार भएर काम गर्न सुझाव दिए।

कोषका कार्यकारी निर्देशक रमेशकुमार उप्रेतीले समसामयिक रुपमा ऐन संशोधन गरिनुपर्नेमा जोड दिए। रासस

मन्त्री साहकै अगाडि कुटिए जनकपुर उपमहानगरका कार्यकारी अधिकृत - 2017-08-01
जनकपुर, साउन १७ जनकपुर उपमहानगर पालिकाकाका कार्यकारी अधिकृतमाथि स्थानीय युवाहरुले हातपात गरेका छन्। मंगलबार सहरी विकास तथा भवन निर्माणमन्त्रीकै अगाडि स्थानीय पुवाले कार्यकारी प्रमुख अर्जुनप्रसाद सुवेदीलाई कुटपिट गरेका हुन्।

जनकपुरधामको विकासका लागि इमान्दारीपूर्वक एकजुट हुनु आवश्यक छः मन्त्री साह - 2017-08-01
धनुषा, साउन १७ शहरी विकास तथा भवन निर्माण मन्त्री प्रभु साहले जनकपुरधामको विकासको लागि जनकपुरवासी इमान्दारीपूर्वक एकजुट हुनु आवश्यक रहेको बताएका छन्।

जिसस निर्वाचनमा तालमेल गर्ने कांग्रेस-माओवादी सहमति - 2017-07-31
काठमाडौँ, साउन १६ प्रमुख सत्तारुढ दलहरु नेपाली कांग्रेस र नेकपा माओवादी केन्द्रले जिल्ला समन्वय समिति (जिसस)को निर्वाचनमा चुनावी तालमेल गर्ने सहमति गरेका छन्। दुवै दलका कार्यदलको संयुक्त बैठकले एक्लै बहुमत नपुग्ने जिल्लामा जिससको निर्वाचनमा चुनावी तालमेल गर्ने सहमति गरेको कांग्रेस नेता विमलेन्द्र निधिले जानकारी दिए।

११ जिल्लामा एमालेले टुङ्ग्यायो समन्वय परिषद उम्मेदवार - 2017-07-30
काठमाडौं, साउन १५ नेकपा एमालेको स्थायी समिति बैठकले ११ जिल्लामा जिल्ला समन्वय परिषदका प्रमुख तथा उपप्रमुखका उम्मेदवार टुंग्याएको छ। पार्टी अध्यक्ष केपी शर्मा ओलीको निजी निवास बालकोटमा आइतबार बसेको बैठकले पार्टी जिल्ला तथा प्रदेश कमिटीको सिफारिसमा १४ जिल्ला समन्वय समितिको उम्मेदवारी टुंग्याएको हो।

राष्ट्रपति र प्रधानमन्त्रीद्वारा रक्षाबन्धन ग्रहण - 2017-07-28
काठमाडौं १३ साउन राष्ट्रपति विद्यादेवी भण्डारीले रक्षाबन्धन पर्वको उपलक्ष्यमा ब्रह्मकुमारी राजयोग सेवा केन्द्रका राजयोगी तथा राजयोगिनीसित रक्षाबन्धन ग्रहण गरेकी छन् ।

विवेकशील र साझा पार्टीबीच एकता: देश निर्माणमा एक जुट भएर लाग्ने प्रतिवद्धता - 2017-07-26
काठमाडौँ, साउन ११ साझा पार्टी र विवेकशील नेपाली पार्टीबीच बुधबार औपचारिक रुपमा एकता भएको छ। साझा पार्टीका संयोजक रवीन्द्र मिश्र र विवेकशील नेपालीका अध्यक्ष उज्वल थापाले एकतापत्रमा हस्ताक्षर गर्दै पार्टी एकताको घोषणा गरेका हुन्।

मन्त्रीहरुको शपथ कार्यक्रम अपरान्ह ४ बजे - 2017-07-26
काठमाडौँ ११ साउन नयाँ मन्त्रीहरुको शपथ कार्यक्रम अपरान्ह ४ बजे हुने भएको छ । राष्ट्रपति कार्यालय शीतल निवासमा ४ बजे हुने शपथ ग्रहण समारोहका लागि तयारी भइरहेको राष्ट्रपति कार्यालयका प्रवक्ता मोहनप्रसाद वाग्लेले जानकारी दिए ।

८० हजार घूस लिँदै गर्दा गिरी रंगेहात पक्राउ - 2017-07-26
काठमाडौँ ११ साउन बाजुरामा कमिसन लिँदैगर्दा मालपोतबाट कार्यक्रम कार्यान्वनमा संलग्न प्राविधिक कपिलराज गिरी पक्राउ परेका छन् । मुक्त हलिया पुनर्स्थापना कार्यक्रमअन्तर्गत मुक्त हलियाबाट ८० हजार रुपैयाँ घूस लिँदै गर्दा गिरीलाई बुधबार बिहान प्रहरीले रंगेहात पक्राउ गरेको हो ।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 NEXT




Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2111061 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top