पार्टी एकताको आवधारणा तयार पार्ने एमाले स्थायी कमिटीको बैठक बालकोटमा सुरु /* - - - Script for Auto Navigation - - - */

राजनिति

पशुपति क्षेत्रलाई गइरहुँ, बसिरहुँ लाग्ने बनाउनुपर्छः पर्यटनमन्त्री

काठमाडौँ बैशाख ५


संस्कृति, पर्यटन तथा नागरिक उड्ययनमन्त्री रवीन्द्र अधिकारीले पशुपति क्षेत्र गइरहुँ, बसिरहुँ लाग्ने गरी पूर्वाधार निर्माण गर्न छ महिनाभित्रमा गुरुयोजना बन्नुपर्ने बताएका छन्।


पशुपति क्षेत्र विकास कोषको ३२औँ वार्षिकोत्सवका अवसरमा बुधबार पशुपतिमा आयोजित कार्यक्रममा उनले विश्व सम्पदा सूचीमा सूचीकृत भएको पशुपति क्षेत्रलाई आकर्षक धार्मिक पर्यटकीयस्थलका रुपमा विकास गर्ने कार्यक्रम बनाउन सुझाव दिए।

कोष सञ्चालक परिषद्का अध्यक्षसमेत रहेका मन्त्री अधिकारीले धार्मिक क्षेत्रलाई व्यापारिक थलो बनाउन नहुने बताए। रुद्राक्ष, कपूरलगायत पाँच हजार धार्मिक प्रजातिका बिरुवा रोप्ने गृहकार्य थाल्न पनि उनले कोषका पदाधिकारीलाई निर्देशन दिए।

‘पशुपतिमा काम गर्नेको मन, भावना शुद्ध हुनुपर्छ, आउँदो आर्थिक वर्षलाई सम्पदा पुनःनिर्माणको वर्ष घोषणा गरिँदैछ,’ उनले भने, ‘आर्थिक वर्ष २०७५/७६ मा भूकम्पले भत्किएका ८० प्रतिशत सम्पदा पुनःनिर्माण भइसक्ने गरी कार्यक्रम ल्याउने तयारीमा मन्त्रालय लागेको छ, २० प्रतिशत सम्पदा निर्माणको काम आव २०७६/७७ सम्म सकिने छ।’

प्राचीन रुपमा निर्माण भएका पशुपतिका संरचना नबिगारी पूर्वीय दर्शन र संस्कृतिको अध्ययनका लागि कोषले विश्वविद्यालय नै चलाउने कार्यक्रम बनाउन पनि उनले अनुरोध गरे।

कोषका सदस्यसचिव डा. प्रदीप ढकालले पशुपति क्षेत्रलाई विश्वका वैदिक सनातन धर्मावलम्बीको आकर्षणको केन्द्र बनाउने गरी पूर्वाधार निर्माणलगायत सुधारका कामको तयारी गरिएको जानकारी दिए।

कोषका पूर्व कोषाध्यक्ष तारानाथ सुवेदीले पारदर्शी भएर काम गर्न नसके धार्मिक संस्थाका प्रति जनताले विश्वास नगर्ने भएकाले जिम्मेवार भएर काम गर्न सुझाव दिए।

कोषका कार्यकारी निर्देशक रमेशकुमार उप्रेतीले समसामयिक रुपमा ऐन संशोधन गरिनुपर्नेमा जोड दिए। रासस

सुनसरी ३ मा मतगणना अगाडि बढाउन आयोगको निर्देशन, एमाले कार्यकर्ताको अवरोध - 2017-12-12
सुनसरी मंसिर २६ मत गणनाका क्रममा संकास्पद गतिविधि भएको भन्दै एमालेको अवरोधका कारण रोकिएको सुनसरी क्षेत्र नम्बर ३ को मतगणना अझै सुरु हुन सकेको छैन। विवादका कारण सोमबार बेलुकादेखि रोकिएकको मतगणना कार्य अझै अगाडि नबढेको हो। मत गणना कार्य रोकिएपछि निर्वाचन आयोगले गणना अगाडि बढाउन निर्देशन दिए पनि एमालेका कार्यकर्ताहरुले निरन्तर रुपमा अवरोध गर्दै आइरहेका छन्।

वाम गठबन्धनले क्लीनस्वीप गरेको बागलुङमा समानुपातिकतर्फ कांग्रेस पहिलो - 2017-12-12
बागलुङ मंसिर २६ प्रत्यक्षतर्फ जिल्लाका सबै निर्वाचन क्षेत्रमा हार ब्यहोरेको नेपाली कांग्रेस समानुपातिक मतमा भने पहिलो दल बनेको छ। प्रतिनिधि र प्रदेशसभा गरी दुवैतर्फ कांगेसले अन्य दलभन्दा बढी मत पाएको छ। कांगेसले प्रतिनिधिसभातर्फ ३५ हजार ६६८ र नेकपा एमालेले ३० हजार ६३५ ल्याएका छन्।

राजपा त्यागेर सूर्य चिन्हमा लडेका हृदयेश पाँचौ पटक निर्वाचित - 2017-12-11
मंसिर २५ नवलपरासी (बर्दघाट–सुस्ता पश्चिम) को क्षेत्र नम्बर १ मा हृदयेश त्रिपाठी विजयी भएका छन्। राजपा परित्याग गरी स्वतन्त्र राजनीतिक समूह गठन गरेका उनले एमालेको सूर्य चिन्ह लिएर चुनाव लडेका थिए। त्रिपाठीले नेपाली कांग्रेसका देवकरण कलवारलाई ५ हजार मतको अन्तरमा पराजित गरेका हुन्। त्रिपाठीको ३८ हजार ५ सय ९२ मत आएको छ। कलवारले ३३ हजार ५ सय ९१ मत ल्याएका छन्।

राजपा अध्यक्ष मण्डलका संयोजक महन्थ ठाकुर १८ हजार मतान्तरले विजयी - 2017-12-11
मंसिर २५ राजपा अध्यक्ष मण्डलका संयोजक महन्थ ठाकुर महोत्तरी ३ बाट भारी मतान्तरले विजयी भएका छन्। उनले प्रतिस्पर्धी एमालेका विजयकुमार चौधरीले भन्दा तीन गुणा मत प्राप्त गरे। ठाकुरले १८३२९ मत प्राप्त गरे भने चौधरीले ८६७६ मत प्राप्त गरे।

राजपाका राजकिशोर यादवसँग पूर्व कानुन मन्त्री नायक पराजित - 2017-12-11
मंसिर २५ सिरहा क्षेत्र नम्बर ४ बाट राष्ट्रिय जनता पार्टीका नेता राजकिशोर यादव विजयी भएका छन्। यादव वाम गठबन्धनका उम्मेदवार तथा पूर्व कानुन मन्त्री अजयशंकर नायकलाई ३ हजार ५ सय ६९ मतान्तरले हराउँदै विजयी बनेका हुन्।

सर्लाही २ बाट राजपाका महेन्द्र राय निर्वाचित - 2017-12-11
मंसिर २५ राजपाका नेता महेन्द्र राय यादव सर्लाही क्षेत्र नम्बर २ बाट प्रतिनिधिसभा सदस्यमा निर्वाचित भएका छन्। यादवले कांग्रेसका जंगिलाल रायलाई पराजित गरेका हुन्। महेन्द्र रायले २९ हजार १ सय ९१ मत प्राप्त गरेका छन् भने जंगिलालले १८ हजार ९ सय ७६ मत प्राप्त गरेका छन्।

राजपाका लक्ष्मणलाल कर्ण पर्सा ४ बाट निर्वाचित - 2017-12-11
वीरगञ्ज मंसिर २५ दुवै संविधानसभाको चुनावमा समानुपातिकबाट सभासद बनेका राजपाका नेता लक्ष्मणलाल कर्ण पर्सा ४ बाट प्रतिनिधिसभामा निर्वाचित भएका छन्। उनले कांग्रेसका रमेश रिजाललाई पराजित गर्दै जीत हात पारेका हुन्।

वाम उम्मेदवारलाई हराउँदै सिरहा १ बाट प्रदिप गिरि विजयी - 2017-12-11
लहान मंसिर २५ सिरहा १ बाट नेपाली कांग्रेसका नेता प्रदिप गिरि प्रतिनिधिसभा सदस्यमा निर्वाचित भएका छन्। उनले एमालेका गंगाप्रसाद यादवलाई २५ सय मतको अन्तरले पराजित गरे।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 NEXT




Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2111080 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top