पार्टी एकताको आवधारणा तयार पार्ने एमाले स्थायी कमिटीको बैठक बालकोटमा सुरु /* - - - Script for Auto Navigation - - - */

राजनिति

पशुपति क्षेत्रलाई गइरहुँ, बसिरहुँ लाग्ने बनाउनुपर्छः पर्यटनमन्त्री

काठमाडौँ बैशाख ५


संस्कृति, पर्यटन तथा नागरिक उड्ययनमन्त्री रवीन्द्र अधिकारीले पशुपति क्षेत्र गइरहुँ, बसिरहुँ लाग्ने गरी पूर्वाधार निर्माण गर्न छ महिनाभित्रमा गुरुयोजना बन्नुपर्ने बताएका छन्।


पशुपति क्षेत्र विकास कोषको ३२औँ वार्षिकोत्सवका अवसरमा बुधबार पशुपतिमा आयोजित कार्यक्रममा उनले विश्व सम्पदा सूचीमा सूचीकृत भएको पशुपति क्षेत्रलाई आकर्षक धार्मिक पर्यटकीयस्थलका रुपमा विकास गर्ने कार्यक्रम बनाउन सुझाव दिए।

कोष सञ्चालक परिषद्का अध्यक्षसमेत रहेका मन्त्री अधिकारीले धार्मिक क्षेत्रलाई व्यापारिक थलो बनाउन नहुने बताए। रुद्राक्ष, कपूरलगायत पाँच हजार धार्मिक प्रजातिका बिरुवा रोप्ने गृहकार्य थाल्न पनि उनले कोषका पदाधिकारीलाई निर्देशन दिए।

‘पशुपतिमा काम गर्नेको मन, भावना शुद्ध हुनुपर्छ, आउँदो आर्थिक वर्षलाई सम्पदा पुनःनिर्माणको वर्ष घोषणा गरिँदैछ,’ उनले भने, ‘आर्थिक वर्ष २०७५/७६ मा भूकम्पले भत्किएका ८० प्रतिशत सम्पदा पुनःनिर्माण भइसक्ने गरी कार्यक्रम ल्याउने तयारीमा मन्त्रालय लागेको छ, २० प्रतिशत सम्पदा निर्माणको काम आव २०७६/७७ सम्म सकिने छ।’

प्राचीन रुपमा निर्माण भएका पशुपतिका संरचना नबिगारी पूर्वीय दर्शन र संस्कृतिको अध्ययनका लागि कोषले विश्वविद्यालय नै चलाउने कार्यक्रम बनाउन पनि उनले अनुरोध गरे।

कोषका सदस्यसचिव डा. प्रदीप ढकालले पशुपति क्षेत्रलाई विश्वका वैदिक सनातन धर्मावलम्बीको आकर्षणको केन्द्र बनाउने गरी पूर्वाधार निर्माणलगायत सुधारका कामको तयारी गरिएको जानकारी दिए।

कोषका पूर्व कोषाध्यक्ष तारानाथ सुवेदीले पारदर्शी भएर काम गर्न नसके धार्मिक संस्थाका प्रति जनताले विश्वास नगर्ने भएकाले जिम्मेवार भएर काम गर्न सुझाव दिए।

कोषका कार्यकारी निर्देशक रमेशकुमार उप्रेतीले समसामयिक रुपमा ऐन संशोधन गरिनुपर्नेमा जोड दिए। रासस

सात प्रदेशका मुख्यमन्त्रीका समावेशी अनुहार - 2018-01-14
पुस ३० संविधानसभाबाट संविधान निर्माण गरिँदा जातीय पहिचान झल्कने प्रदेशहरुको निर्माण गरिनु पर्ने माग थियो, पहिचानका पक्षधर राजनीतिक पार्टी र संगठनहरुको। संविधान सभाले जातीय पहिचानविनाका ७ प्रदेशसहितको संविधान जारी गरेपनि धेरथोर पहिचान र समावेशिताको संबोधन हुने गरी सात वटै मुख्यमन्त्रीहरुको चयन हुने सम्भावना बढेको छ।

पाँच वर्षसम्म ओली प्रधानमन्त्री र प्रचण्ड पार्टी अध्यक्षः शाही - 2018-01-14
भक्तपुर पुस ३० नेकपा माओवादी केन्द्रका नेता महेन्द्रबहादुर शाहीले वाम गठबन्धन तोड्न देशीविदेशी शक्तिको चलखेल बढेको बताएका छन्। रफत सञ्चार क्लबमा आइतबार आयोजना गरेको साक्षात्कारमा युवा नेता शाहीले वाम गठबन्धन र लोकतान्त्रिक गठबन्धनलाई टुक्य्राउँदै आफ्नो शक्ति केन्द्रका रुपमा नेपाललाई प्रयोग गर्न देशीविदेशी शक्ति लागे पनि त्यसले पूर्णता नपाउने बताए।

‘भारतले सिमा क्षेत्र कडाइ गरेको छ, नेपालले पनि व्यवस्थित गर्नुपर्छ’ - 2018-01-14
काठमाडौँ पुस ३० एमालेका नेता डा राजन भट्टराईले नेपाल–भारतबीच अहिलेसम्म कायम रहेको खुल्ला सिमा अब रहन नसक्ने दावी गरेका छन्। नेपाल–भारतबीच भएका सन्धि सम्झौता पुनरावलोकनका लागि सुझाव दिन बनेको प्रबुद्ध व्यक्ति समूह (ईपीजी) का सदस्य समेत रहेका भट्टराईले सिमा क्षेत्रमा भारतले आफ्नो पक्षबाट कडाइ गरेको भन्दै अब नेपाले सिमा व्यवस्थित गर्नेबारे सोच्नुपर्ने बताए।

राजपाले अयोगको निर्देशन अुनसार समानुपातिक सूचि सच्यायो - 2018-01-12
पुस २८ समानुपातिक सूचि पठाउँदा त्रुटि भएको भन्दै निर्वाचन आयोगले सच्याउन पत्र पठाएको लामो समय पछि विवाद मिलाएको छ। क्रमसँख्या र समावेशी समूह अनुसार सूची नभएको भन्दै निर्वाचन आयोगले संशोधन गरेर पठाउन पत्र पठाए अनुसार राजपा सूची मिलाए पछि विवाद सकिएको हो।

देउवाले प्रदेश प्रमुख नियुक्त गरेनन्, शहीद घोषणा गरे - 2018-01-12
पुस २८ आजको बैठकबाट प्रदेश प्रमुख र प्रदेशका अस्थायी केन्द्र तोक्ने अपेक्षा गरेपनि त्यससम्बन्धी कुनै निर्णय नगरी आजको मन्त्री परिषद बैठक समाप्त भएको छ।

अनसन बसेर अदालतलाई प्रभावित गर्न पाइँदैनः रामशरण महत - 2018-01-12
काठमाडौँ पुस २८ नेपाली कांग्रेसका नेता डा. रामशरण महतले जुलुस र अनसनका बलमा न्यायलयलाई प्रभावित पार्ने काम नगर्न डाक्टर गोविन्द केसीलाई चेतावनी दिएका छन्। उनले राजीनामा दिने वा नदिने कुरा प्रधानन्यायधीशको हातमा हुने भन्दै उनीबारे छानबीन गरी तथ्य बाहिर आउनुपर्ने बताए।

पृथ्वीनारायणलाई सम्झँदै ओलीले भने : पुर्खाले लडे, हामीले अडिएमात्र पुग्छ - 2018-01-11
काठमाडौं पुस २७ एमाले अध्यक्ष केपी शर्मा ओलीले पृथ्वीनारायण शाहको नेतृत्वमा भएको एकीकरणका कारण आज नेपाली भनेर गर्व गर्न पाइएको बताएका छन्। राष्ट्रिय एकता दिवसको सन्दर्भमा एक विज्ञप्ति जारी गर्दै ओलीले नेपाललाई विभिन्न तत्वहरुले विखण्डन गर्न खोजेपनि यस्ता प्रयासहरु सजिलै परास्त भएको उल्लेख गरेका हुन्।

पार्टीका मन्त्रीहरुलाई राजिनामा दिन प्रचण्डको निर्देशन - 2018-01-11
काठमाडौं पुस २७ प्रधानमन्त्री शेरबहादुर देउवालाई भेटेर आफूहरुले मन्त्री परिषदबाट राजिनामा दिने माओवादी केन्द्रका बरिष्ठ नेता कृष्णबहादुर महराले बताएका छन्। नेपालखबरसँग कुराकानी गर्दै महराले छिट्टै प्रधानमन्त्री शेरबहादुर देउवालाई भेट्ने र मन्त्री परिषदबाट राजिनामा दिने जानकारी दिए।

PREV 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 NEXT




Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2111044 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top