गौरमा भएको क्रिकेट खेलमा पत्रकार समुह बिजयी /* - - - Script for Auto Navigation - - - */

खेलकुद

काकाले लिए सन्यास

पुस ३ –


ब्राजिलका पूर्व मिडफिल्डर काकाले फुटबलबाट सन्यास लिएका छन् । अन्तर्राष्ट्रिय फुटबलबाट यसअघि नै सन्यास लिएका काकाले पूर्ण रुपमा खेल जीवनबाट सन्यासको घोषणा गरेका हुन् ।


सन् २००२ मा ब्राजिललाई विश्वकप फुटबलको उपाधि दिलाउन महत्वपूर्ण भूमिका खेलेका काकाले आइतबार सन्यासको घोषणा गरेका हुन् । स्पेनिस क्लब रियल मड्रिड तथा इटालियन क्लब एसी मिलानका पूर्व खेलाडी काकाले अहिले एमएलएस क्लब ओरल्याण्डो सिटीबाट खेल्दै आएका थिए ।

ब्राजिलियन क्लब साओ पाउलोबाट खेल जीवन सुरु गरेका काकाले आफ्नो खेल जीवनको अन्तिम खेल गएको अक्टोबरमा ओरल्याण्डोका लागि खेलेका थिए । काका विश्वकप, युरोपियन कप÷च्याम्पियन्स लिग र बालोन डी’ओर तीनै उपाधि जित्ने ८ खेलाडी मध्ये एक हुन् ।

जिससलाई निकै मान्ने काकाले जिससलाई नै सम्बोधन गर्दै ट्वीट गरेर सन्यास लिएको र जीवनको अर्को चरणका लागि तयार रहेको बताएका हुन् । काकाले ब्राजिलबाट ९२ खेलमा २९ गोल गरेका छन् । सन् २००२ मा ब्राजिलबाट विश्वकप जितेका काकाले सन् २००७ मा एसी मिलानबाट च्याम्पियन्स लिग र त्यहिवर्ष व्यक्तिगत रुपमा बालोन डी’ओर अवार्ड जितेका थिए ।

सन् २००३ देखि २००९ सम्म एसी मिलानमा रहँदा उनले सन् २००४ मा सिरी ए तथा सन् २००७ मा क्लब विश्वकपको उपाधि पनि जितेका थिए । सन् २००९ को जुनमा त्यो बेलाको कीर्तिमानी मूल्य ५६ मिलियन पाउण्डमा रियल मड्रिड गएका काकाले सन् २०११ मा कोपा डेल रे तथा सन् २०१२ मा ला लिगाको उपाधि जिते ।

घुँडाको इन्जुरीका कारण समस्यामा परेका काका सन् २०१३ मा फेरि मिलान नै फर्किए । अर्को वर्ष उनी ओरल्याण्डो सिटी गएका हुन् । काकाले जस्तै विश्वकप, युरोपियन कप वा च्याम्पियन्स लिग र बालोन डी’ओर जित्ने अरु खेलाडीमा बबी चाल्र्टन, गेर्ड मुलर, फ्रान्ज बेकेन्बाउर, पाओलो रोसी, जिनेदिन जिदान, रिभाल्डो र रोनाल्डिन्हो रहेका छन् ।

मैत्रीपूर्ण फुटबलमा नेपालद्वारा जापान पराजित - 2017-03-29
४ मंसिर । नेपाली राष्ट्रिय फुटबल टोलीले जापानको फ्रेण्डस् अफ जापान टोलीलाई पराजित गरेको छ । शनिबार दिउँसो एन्फा कम्प्लेक्स सातदोबाटोमा भएको मैत्रीपूर्ण फुटबल खेलमा नेपालले जापानलाई १–० गोल अन्तरले पराजित गरेको हो । दोस्रो हाफको ५८ औं मिनेटमा नवयुग श्रेष्ठले विजयी गोल गरे ।

एथलेटिको मड्रिडका स्ट्राइकर फर्नाण्डो टोरेस घाइते - 2017-03-29
एजेन्सी, फागुन २०। एथलेटिको मड्रिडका स्ट्राइकर फर्नाण्डो टोरेस घाइते भएका छन् । गएराती डेपोर्टिभो लाकोरुनासँगको खेलका क्रममा टोरेसलाई टाउकोमा चोट लागेको हो । अस्पतालमा उपचार गराइरहेका टोरेसको अवस्था स्थिर रहेको र उनी होसमा रहेको क्लवले जनाएको छ । खेल्दाखेल्दै उपचारका लागि अस्पताल लानुपरेपनि उनलाई गम्भीर चोट नरहेको पुष्टि भएको क्लवले जनाएको छ ।

रानिएरीलाई बर्खास्त गरेपछिको पहिलो खेलमा लेस्टर विजयी, लिभरपुललाई हरायो - 2017-03-29
एजेन्सी, १७ फाल्गुन । बार्सिलोना च्याम्पियन्स लिगको फाइनलमा पुगेमा लियोनल मेस्सी र नेइमार फाइनल खेलका लागि बेलायत प्रवेश गर्न नपाउने सम्भावना रहेको छ ।

ब्राजिलका फुटबल खेलाडीसहित ७२ यात्रु सवार बिमान दुर्घटना - 2017-03-29
एजेन्सी, १४ मंसिर । ब्राजिलको एक स्थानीय फुटबल क्लबका खेलाडी बोकेको बिमान कोलम्बियाकोे मेडलिनमा दुर्घटनाग्रस्त भएको छ । दुर्घटनाको विस्तृत विवरण नआए पनि केही व्यक्ति जिवित रहेको सम्भावना रहेको अन्तर्राष्ट्रिय सञ्चारमाध्यमले जनाएका छन् ।

PREV 1 2




Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

1868421 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top