रौतहट जिल्ला कै पहिलो अनलाईन पत्रिका "रौतहट अनलाईन"
logo
 भ्रस्टाचार गर्न नपाए पछि प्रमुख प्रशासकीय अधिकृत पन्थी बिरुद्ध नगर प्रमुखका आसेपासे खनिए     नगर प्रमुख धर्मेन्द्र पटेलको पहलमा सडक डिभिजनले धरहरी देवाही सडक तत्काल मरम्मत गर्ने     रौतहटको कटहरिया नगरपालिकाको तेस्रो नगरसभा सम्पन्न     बन्शिराम अनाथालय गरुडालाइ फतुवा विजयपुर नगरपालिकाको २ लाख सहयोग     रौतहटको गरुडा नगरपालिकामा करारको खरिदारद्वारा गाडी सुबिधा मांग     निजी विद्यालय प्रति आकर्षण कम गराउन सरकारी विद्यालयमा अंग्रेजी माध्यमबाट कक्षा संचालन     जनकपुर उपमहानगरपालिकाको बजेट १ अर्ब ६७ करोड     भरतपुर महानगरको चौथो नगर सभा सम्पन्न      सुखिपुर नगरपालिकाको तेस्रो नगर सभा सम्पन्न      रौतहटको राजपुर नगरपालिकाको तेस्रो नगर सभा बाट ४२ करोड ९९ लाखको बजेट प्रस्तुत      गढ़िमाइ नगरपालिकाको तेस्रो नगर सभा भव्यताका साथ् सम्पन्न    
अन्तर्वार्ता

‘चितवनलाइ नमुना महानगर बनाउने कामको थालनी भइसक्यो " : नगरप्रमुख रेनु दाहाल



अन्तर्वार्ता   97 पटक पढिएको   रौतहट अनलाईन     

भरतपुर/ १४ ,कार्तिक/ भरतपुर महानगरपालिकाकी नगरप्रमुख रेनु दाहाल देशभरिका पाँच महानगरमा एक्ली महिला प्रमुख हुनुहुन्छ । तत्कालीन नेकपा माओवादी केन्दबाट उम्मेदवार बनी नेपाली काँग्रेसको समर्थनमा निर्बाचित दाहाल माओवादी र एमाले एकतापछि वनेको नेकपाकी केन्द्रीय सदस्यसमेत हुनुहुन्छ । महानगरमा

‘चितवनलाइ नमुना महानगर बनाउने कामको थालनी भइसक्यो


दाहाललाई प्रतिपक्षी नै नभएको नगर प्रमुखका रुपमा पनि हेर्ने गरिएको छ । महानगर प्रमुख दाहालसँग उहाँको चौध महिने कार्यकालमा भएका बिकासका काम र हाल सञ्चालित गतिबिधिसँग केन्द्रित रही गरिएको  कुराकानी  ः

 

तपार्इँ महानगरप्रमुखमा निर्बाचित हुँदाको राजनीतिक अवस्था र अहिलेको परिस्थितिमा फरक आएको छ । यसले तपाईँलाई काम गर्नमा चाहिँ फरक पारेको छ कि छैन ?

 काग्रेसको समर्थनमा मैले चुनाव जिते । घटनाक्रमले पछि पार्टी एमालेसँग एकिकरण भई नेकपा वन्यो । काममा सवैको सहयोग पाइरहेकी छु । काम गर्दा  जुनसुकै दल, ब्यक्ति वा कार्यकर्ता भए पनि फरक रुपमा हेरेकी छैन र महानगरको विकासमा सहयोग पनि लिइरहेकी छु । हामी कुन पार्टीवाट उम्मेदवार वन्यौ भन्दा पनि निर्वाचित भएपछि के काम गरियो भन्ने कुरा ठूलो हो ।
सवै पार्टीको सहयोगमा विकास निर्माणको काम भैरहेको भन्नुहुन्छ तर महानगरकै समिक्षा वैठकमा उपमेयरलगायत केही वडा अध्यक्षले वहिष्कार गरे नि ?  

म त्यो कुरातिर जान्न । किन उपमेयर आउनुभएन भन्नेतर्फ पनि म लाग्दिन । यति भन्छु समिक्षा वैठक उपमेयरकै सहमतिमा आयोजना गरिएको हो । तर उहाँलाइ पछि कुन कारण पर्यो  वैठकमा अनुपस्थित हुनुपर्ने भन्ने मलाइ थाहा भएन । तर त्यसपछि सवैकुरा एक आपसमा सरसल्लाहमै अगाडि वढिरहेका छन् । अहिले राजनैतिक रङका आधारमा  कुनै विवाद छैन ।
 तपार्इँ प्रमुखमा निर्वाचित भएपछि महानगरको विकासमा के – कस्ता कार्यक्रम अगाडि सार्नुभएको छ ?

हामीले चुनावका वेला भनेका थियौं सुन्दर नगरी भरतपुरको विकास र समृद्धिमा केन्द्रिय सोत र साधनसँग जोडेर एउटा नमुना शहर वनाउने छौं । मेरो पहिलो सपना पनि भरतपुरलाई समृद्ध र आधुनिक शहर वनाउने हो । अहिले मेरा योजना यसैमा केन्द्रित छन् ।
भरतपुरलाई ब्यवस्थित शहर  वनाउन सरसफाइ र ट्राफिक ब्यवस्थापनमा विशेष जोड दिएका छांै । मुख्य राजमार्ग र शहरी क्षेत्रमा अटो र इ–रिक्सा सञ्चालन र ब्यवस्थापन गरिएको छ । सडक पेटीमा ब्यापार हुँदा सडक दुर्घटनाको जोखिम थियो, त्यो हटाएर  फूटपाथ ब्यवसायलाई ब्यवस्थित वनाएका छौं । महानगरपालिकामा भित्री र वाहिरी चक्रपथ निर्माणकार्य शुरु भैसकेको छ ।
सडक निर्माण तथा  भौतिक पूर्वाधार बिकासका काम महानगरको सापेक्षता अनुसार विकास गर्दै लगिदैछ । रिङ्गरोड र लिङ्गरोड निर्माणको काम शुरु भैसकेको छ । निजी क्षेत्रको सहकार्यमा भरतपुर महानगरीय फलफूल तथा तरकारी वजार निर्माण गरी सञ्चालनमा आएको छ । देवघाटमा आधुनिक विद्युतीय शव दाहस्थल वनाउने कार्य अगाडि वढेको छ ।
समग्रमा महानगरले सरकारको अनुदान,  सशर्त अनुदान र आन्तरिक स्रोतवाट करिव  डेढ अर्वको लागतमा  विकास निर्माणका योजना अगाडि सारेको छांै भने करिव चारअर्व रुपियाँका अन्य सरकारी कार्यालयमार्फत यो महानगरमा योजना सञ्चालनमा रहेका छन् ।
तपाइँले आफ्ना चुनावी अभियानका बेला जनतामाझ गरेका मेट्रो रेल, नारायणी र राप्तीको तटवन्ध, स्मार्ट सिटी जस्ता योजनाका कुरा उठाउनुभएको थियो ती योजना कहाँ पुर्याउनुभयो ?


हो, चुनावी घोषणापत्रमा महानगरमा मेट्रो रेल, भरतपुर विमानस्थलमा रात्रीकालिन सेवा गराउने कुरा, नारायणी र राप्तीको तटवन्ध, स्मार्ट सिटी मात्रै हैन भरतपुर अस्पताललाई शिक्षण अस्पतालका रुपमा बिकास गर्दै महानगरभित्र आफ्नै नगरअस्पताल वनाउने कुरा  थिए र भरतपुरमा विकास हुँदै गरेको मेडिकल सिटीलाई ब्यवस्थापन गर्दै यसको विकास गरिने भनिएको थियो । पर्यटन विकासलाई टेवा पुर्याउन भ्यू टावर, आधुनिक मनोरञ्जन पार्क, हरेक वडामा वाल वगैचा र उद्यान निर्माणमा जोड दिइने कुरा उठाएका थियौ ।
अहिले हाम्रा योजना यिनैमा केन्द्रित छन् । भरतपुर विमानस्थलको सुधारका लागि कार्य योजना वनिरहेको छ । नारायणी र राप्ती नदीको तटवन्धसहितका सडक निर्माणको काम अघि वढिसकेको छ । महानगर मात्रै हैन केन्द्र र प्रदेश सरकारका सम्वन्धित मन्त्रालयका वजेटसमेत अहिले भरतपुरको विकासमा खर्चिएका  छन् । सभागृह र क्रिकेट  स्टेडियम वनाउने गृहकार्य शुरु भैसकेका छ ।  समग्रमा हामीले जनतामाझ  उठाएका योजनाका बिषय कार्यान्वयन गर्ने तयारीका क्रममा छौं । यी सबै  योजनाको सम्बोधन हुन्छ ।
 यी त भए दीर्घकालीन योजनाका कुरा । महानगरभित्र तत्काल सुधार गर्ने योजना चाहि के– के छन् त ?


फोहोर मैला ब्यवस्थापनका लागि कोरियाली सरकारसँग सहकार्यमा ल्याण्डफिल्ड साइड निर्माणको लागि सम्झौता भई डिपिआर तयार भैसकेको छ । महानगरको  आयस्रोत  बढाउन लायन्सचोकस्थित पुरानो तरकारी बजार रहेको स्थानमा वहूतले ब्यावसायिक भवन निर्माणको काम अगाडि वढीरहेको छ ।
त्यसैगरी, ब्यवस्थित अटोल्याण्ड निर्माणका लागि निजी क्षेत्रसँग सहकार्यमा अगाडि बढाउन  छलफल भैरहेको छ  । महानगरपालिकाभित्र रहेका दुईवटा वसपार्कको स्तरोन्नतिको काम भैरहेको छ । भरतपुर महानगर वडा नम्वर १९ मा रहेको रानीपोखरी पार्कलाई नमुना वनाउन ठूलो लगानीमा काम शुरु भैसकेको छ ।
नारायणी नदी किनारलाई ‘सिविज’ मोडलका रुपमा विकास गर्न काम अगाडि वढाइएको छ । नगरवासीको प्रमुख चाहना सडक कालोपत्रे भएकाले त्यसलाई प्राथमिकतामा राखी अगाडि वढाइएको छ । वडास्तरमै पार्कहरु वनाउने कुरा अगाडि वढेको छ ।
 
 महानगरको आयस्रोत वढाउन के गर्दै हुनुहुन्छ ?


महानगरको मुख्य आय भनेको राजश्व र कर सकलन नै हो । यसका लागि निजी क्षेत्रको सहकार्यमा उहाँहरुको पनि केही स्वामित्व रहने गरि कर सङकलन अभियानका रुपमा अगाडि वढाएका छौ ।
भरतपुर महानगरपालिका पर्यटकीय सम्भावनको मुख्य क्षेत्रभित्र पर्छ । यसको आवश्यक पूर्वाधार निर्माणका लागि तारे होटल वनाउन चाहनेका लागि विभिन्न खाले सहुलियत ब्यवस्था गरिएको छ । जसले  महानगरकै आर्थिक विकासमा टेवा पुर्याउने छ ।
कुनैपनि महानगरको आन्तरिक आयस्रोत करिव एकअर्व रुपियाँसम्मको बजेट हुनुपर्ने मान्यता छ । तर यस महानगरको अवस्थाले यो मापदण्ड पूरा भएको देखिदैन नि ?   

हो मान्यता अनुसार हामीले कर उठाउनसकेका छैनौ । यो एकैपटक सम्भव पनि छैन । हामी महानगरमा जनप्रतिनिधि भएर आउँदा महानगरको आन्तरिक आय २० करोडको हाराहारीमा थियो । हामी आएपछि यसलाइ ३५ करोड पुर्यायौ ।
यो वर्ष हामीले ५० करोडको लक्ष्य राखेका छौ । आगामी केही वर्षभित्रै एक अर्बको  अर्थात महानगरको मापदण्ड अनुरुप आन्तरिक स्रोत जुटाउने हाम्रो लक्ष्य छ । सोही वमोजिम करका दर, दायरा र अन्य स्रोतको खोजी भैरहेको छ ।

स्थानिय निकायले जथाभावी कर सङकलन गरिरहेका छन् भन्ने गुनासो छ । यहाँको अवस्था के हो ?


यहाँ त्यस्तो केही छैन । कर तिर्ने उद्यमी ब्यवसायीहरुले हो । सर्वसाधरणले हो । उहाँहरुले भरतपुर महानगरपालिकाको कर प्रणालीको स्वागत गर्नुभएको छ । यसले प्रष्ट पार्छ भरतपुर महानगरले वैज्ञानिक र ब्यवहारिक कर प्रणाली लागू गरेको छ । करका विषयमा सम्वन्धित सरोकारवालासँग समन्वय र सहकार्य गरेर नै दर र दायराहरु निर्धारण गर्ने गरेका छौ ।
 
तपाइँ त्यसो भन्नुहुन्छ तर सिमान्तकृत वर्गका समुदायले महानगरले तोकेको कर कसरी तिर्न  सक्लान् त ?

सक्छन् । तिरिरहेका पनि छन् । कर नै तिर्न नसक्ने अति विपन्न समुदायका नागरिकलाई हामीले विशेष छुटको ब्यवस्था पनि गरेका छौ ।
स्थानीय निकायमा आर्थिक पारदर्शिताका समस्या धेरै छन् भन्ने आइरहेका छन् । भरतपुर महानगरमा सुशासन कायम गर्न तपाइँले के – कस्ता कार्ययोजना अगाडि सार्नुभएको छ ?


भरतपुर महानगर पालिकाको पहिलो शर्त सुशासन  कायम गर्नु हो । यसका लागि हामीले पारदर्शी खर्च प्रणाली र मितब्ययी प्रशासन अवलम्वन गरेका छौ । राजश्व चुहावटलाइ निरुत्साहित गर्न प्रभावकारी अनुगमन प्रणाली अपनाएका छौ ।
२९ वटै वडामा इ–नेटवर्किङ्गको विकास निर्माणका कामका लागि विज्ञहरुको संयन्त्र वनाएर अनुगमन र नियमनको ब्यवस्था गरेका छौ । सेवाग्राहीहरुलाइ छिटो छरितो सेवा प्रवाहका लागि सहयोगी कक्ष वनाएका छौं ।  
गुनासो सुन्नका लागि हेल्प डेक्सको ब्यवस्था गरेका छौ । मैले सम्पूर्ण जनप्रतिनिधि र कर्मचारी संयन्त्रलाइ स्पष्ट निर्देशन दिएको छु, शून्य जनगुनासो आउने गरि काम अगाडि वढाइएको छ ।





सम्बन्धित शिर्षक समाचारहरु

‘चितवनलाइ नमुना महानगर बनाउने कामको थालनी भइसक्यो " : नगरप्रमुख रेनु दाहाल - 2018-10-31

भरतपुर/ १४ ,कार्तिक/ भरतपुर महानगरपालिकाकी नगरप्रमुख रेनु दाहाल देशभरिका पाँच महानगरमा एक्ली महिला प्रमुख हुनुहुन्छ । तत्कालीन नेकपा माओवादी केन्दबाट उम्मेदवार बनी नेपाली काँग्रेसको समर्थनमा निर्बाचित दाहाल माओवादी र एमाले एकतापछि वनेको नेकपाकी केन्द्रीय सदस्यसमेत हुनुहुन्छ । महानगरमा

'स्थानीय तहलाई शिक्षक सरुवा गर्ने अधिकार छ' - 2018-01-24

काठमाडौं/ माध्यमिक तहसम्मको विद्यालय शिक्षाको सम्पूर्ण अधिकार संविधानतः स्थानीय तहमा पुगेको विषयलाई सकारात्मक र नकारात्मक रुपमा चर्चा –परिचर्चा हुने गरेको छ । यसले विद्यालय व्यवस्थापन, स्रोत र शिक्षक– कर्मचारी व्यवस्थापन तथा

राजनिति सेवा हो – यूवा नेता सिंह - 2017-12-29

जितेन्द्र कुमार । रौतहट, १४ पुस राष्ट्रिय जनता पार्टी नेपालका सह–महासचिव तथा यूवा नेता अनिल कुमार सिंहको रौतहट सदरमुकाम गौर स्थित निजी निवासमा पुगी रौतहट अनलाईनकर्मीले लिएको अन्तरवार्ताको संक्षिप्त अंश-

भारत–नेपाल रक्षा समझदारी निकै महत्वपूर्ण छ: मोदी - 2017-08-24

नयाँ दिल्ली, भदौ ८ भारतीय प्रधानमन्त्री नरेन्द्र मोदीले नेपाल र भारतको सुरक्षासम्बन्धी आपसी समझदारी निकै महत्वपूर्ण भएको बताएका छन्। हैदरावाद हाउसमा संयुक्त पत्रकार सम्मेलनमा बोल्दै मोदीले नेपाल र भारतबीचको सुरक्षा हित आपसमा निर्भर रहेको बताएका हुन्।

चीनसँगको सम्बन्धमा ठूलो प्रगति भयोः ट्रम्प - 2017-04-08

एजेन्सी, चैत २६ । अमेरिकी राष्ट्रपति डोनाल्ड ट्रम्पले चीनसँगको सम्बन्धमा ठूलो प्रगति गरेको बताएका छन्। आफ्नो चिनियाँ समकक्षी सी जिनपिङसँगको दुई दिने भेट समापनपश्चात ट्रम्पले यस्तो बताएका हुन्।

मेरो गायिकीमा “जवानी र जागरण” दुबै छन् : अञ्जली पटेल - 2017-03-29

जितेन्द्र कुमार दास । रौतहट, ८ मंसिर। गीत र सङ्गीतको भूगोल हुँदैन । यसलाई कुनै पनि भाषा, सँस्कृति र रीतिरिवाजले सीमित तथा साँघुरो बनाउन सक्दैनन् । हाँसो, खुशी, दुःख र पीडाका शाश्वत भावहरु नैसर्गिक र वैश्विक हुन्छन् । त्यसैले अभिव्यक्तिका माध्यम नै सङ्कुचित हुने गरी गीत र सङ्गीतले आफ्नो प्रभाव बिस्तार गरिरहेको हुन्छ ।

माधव नेपाल रौतहट आउँदा जनता मरमहित-प्रकाश भाई - 2017-03-29

रौतहट, २६ साउन । समाजवादि विधार्थी फोरम नेपाल रौतहट जिल्ला अध्यक्ष तथा केन्द्रिय सदस्य र रौतहटको चर्चित नेता प्रकाश भाई मधेशीयाको रौतहट सदरमुकाम गौर स्थित निजी निवासमा पुगी रौतहट अनलाईनकर्मीले लिएको अन्तरवार्ताको संक्षिप्त अंश-

यात्रा - आर्किटेक्चर देखी नेपाली राजदुतसम्म - 2017-03-29

रमेश ठाकुर । रौतहट, १४ बैशाख । रौतहटमा जन्मेका अलि अख्तर मिकरानी पेसाले आर्किटेक्चर हुन् । तर उनको समाजमा गरेको योगदानलाई हेर्दा लाग्छ, उनले आस्था राख्ने ईस्लाम धर्मका गुरु पैगम्बर मोहम्मदले उनलाई सोसल आर्किटेक्चर बनाएर यस धर्तिमा पठाएका छन् । सन् १९५६ सालमा जन्मेका मिकरानि अहिले इन्जिनियर पेसामा आबद्ध रहेपनि उनि समाजको विकास निर्माण कार्यमा निरन्तर खटिइरहेछन् । उनका हजुरबुवा चौधरी मौला बकसले सुरु गरेका समाजसेवाका विरासत उनले पनि अहिले धानिरहेको देखीन्छन् । सानै देखी पढाईमा राम्रो गरेका मिकरानी भारतबाट इन्जिनीयरीगंमा मास्टर डिग्री समेत गरेका छन् ।


रौतहट अनलाईन टिभी
सम्पर्क
Rautahat Media Pvt. Ltd.
Gaur - 8, Rautahat, Nepal
Tel : 0977-55-521595
URL: http://www.rautahatonline.com
Email: [email protected]

2692706 times visited !

Praveen Kumar Sharma, Editor, 9801023044
सूचना बिभाग दर्ता नम्बर: ६४३/०७४-०७५
Rautahat Media Pvt. Ltd. © All Rights Reserved. 2018
Powered by: ExNet  
Top