Rautahat Online - Online Nepali News Portal - News on Politics, Economic, Entertainment, Sports, Tourism, Society, World Affairs & Science and Technology /* - - - Script for Auto Navigation - - - */

अन्तर्राष्ट्रिय

जल तथा हवाइ युद्धको तयारी बढाउने चीनको चेतावनी

असोज २५


एक अमेरिकी क्षेप्यास्त्र विध्वंसक युद्धपोत दक्षिण चीन सागरमा प्रवेश गरेपछि चीनले कडा शब्दमा त्यसको विरोध गरेको छ। अमेरिकी कदमको विरोध गर्दै चीनले ‘यस्तै उत्तेजनात्मक क्रियाकलाप जारी रहे चिनियाँ सेनाले जल तथा हवाइ युद्धको तयारी बढाउने’ चेतावनी पनि दिएको छ।


मंगलबार चेफी नामक अमेरिकी क्षेप्यास्त्र विध्वंसक जहाज दक्षिण चीन सागरको पारासेल टापुनजिकै पुगेको थियो। तर आफ्नो नौसैनिक जहाज १२ नाउटिकल माइलभन्दा नजिक नगएको अमेरिकाले बताएको छ। जमिनबाट १२ नाउटिकल माइलभन्दा बाहिरको क्षेत्रलाई अन्तर्राष्ट्रिय जलक्षेत्र मानिन्छ।

बुधबार चिनियाँ विदेश मन्त्रालयकी प्रवक्ता हुआ चुनयिङले अमेरिकाले अन्तर्राष्ट्रिय कानुन मिचेको अरोप लगाइन्।

‘अमेरिकी विध्वंसकले चिनियाँ तथा अन्तर्राष्ट्रिय कानुन मिचेको छ र चीनको सार्वभौमसत्ता तथा सुरक्षा स्वार्थलाई गम्भीर धक्का दिएको छ। साथै दुवै देशका अग्रभागमा रहेका सुरक्षाकर्मीको जीवनमाथि पनि खतरा पैदा गरेको छ,’ हुआले भनिन्।

उनले वाशिंगटनसँग यसबारेमा कडा प्रतिवाद गरिएको जनाउँदै अमेरकालाई 'आफ्नो गल्ती सच्याउन' पनि आग्रह गरिन्।

चिनियाँ रक्षा मन्त्रालयले पनि एक वक्तव्य जारी गर्दै अमेरिकाको यो कदमले चीन र अमेरिकाबीच विश्वासको संकट ल्याउने चेतावनी दिएको छ।

‘अमेरिकी सेनाले बारम्बार उत्तेजनात्मक व्यवहार जारी राख्दा चिनियाँ सेनाले राष्ट्रिय सार्वभौमिकता तथा सुरक्षा स्वार्थको रक्षा गर्न जल तथा हवाइ युद्धका लागि आफ्नो तयारी झनै बढाउनेछ र रक्षालाई सुदृढ गर्नेछ,’ रक्षा मन्त्रालयको भनाइ एससिएमपीले उधृत गरेको छ।

चिनियाँ रक्षा मन्त्रालयले अमेरिकी नौसैनिक जहाजलाई चेतावनी दिन एक जहाज, दुई जे–११बी लडाकु जेट र एक जेड–८ हेलिकप्टर त्यहाँ पठाएको पनि बताएको छ।

अमेरिकी रक्षा मन्त्रालयले यस विषयमा केही टिप्पणी नगरे पनि यो उसको 'स्वतन्त्रतापूर्वक जलयात्रा गर्ने नियमित अभ्यास' भएको जनाएको छ। अमेरिकाले आफ्नो यस्तो कदम भविष्यमा पनि जारी रहने बताएको रोयटर्सको रिपोर्टमा उल्लेख छ। ‘दक्षिण चीन सागरमा चीनको बढ्दो दाबीलाई चुनौती दिन’ उसले यस्तो कदम चालेको बताएको छ।

चीन र अमेरिकाबीच यस विषयलाई लिएर तनाव बढेपछि अर्को महिना अमेरिकी राष्ट्रपति डोनाल्ड ट्रम्पको चीन भ्रमणको एजेण्डालाई यसले फरक नपार्ने केही विश्लेषकहरुले बताएका छन्।

दक्षिण चीन सागरमा चीनको दाबीलाई चुनौती दिन भन्दै अमेरिकाले बारम्बार आफ्ना जहाजहरुलाई त्यसतर्फ पठाउने गरेको छ। गत अगस्ट महिनामा पनि एक अमेरिकी नौसैनिक जहाज दक्षिण चीन सागरको एक टापुबाट १२ नाउटिकल माइल दूरीभित्र प्रवेश गरेको थियो। यस्ता अमेरिकी कदमको चीनले विरोध गर्दै आएको छ। एजेन्सी

जल तथा हवाइ युद्धको तयारी बढाउने चीनको चेतावनी - 2017-10-11
असोज २५ एक अमेरिकी क्षेप्यास्त्र विध्वंसक युद्धपोत दक्षिण चीन सागरमा प्रवेश गरेपछि चीनले कडा शब्दमा त्यसको विरोध गरेको छ। अमेरिकी कदमको विरोध गर्दै चीनले ‘यस्तै उत्तेजनात्मक क्रियाकलाप जारी रहे चिनियाँ सेनाले जल तथा हवाइ युद्धको तयारी बढाउने’ चेतावनी पनि दिएको छ।

अमेरिकाले गर्‍यो १५ क्युबाली कुटनीतिज्ञलाई देश निकाला - 2017-10-04
एजेन्सी, असोज १८ अमेरिकाले मंगलबार १५ क्युबाली कूटनीतिक कर्मचारीलाई देश निकाला गर्ने आदेश दिएको छ। क्युबाको राजधानी हवानास्थित आफ्ना कर्मचारीलाई सो देशले सुरक्षा दिन नसकेको भन्दै ट्रम्प प्रशासनले यस्तो कदम चालेको हो।

अमेरिकी जासुसी विमानले चिनियाँ वैज्ञानिकको पिछा - 2017-10-04
एजेन्सी, असोज १८ एसिया प्रशान्त क्षेत्रमा सबैभन्दा ठूलो अमेरिकी सैन्य अखडा रहेको गुआमनजिकै चिनियाँ पानीजहाजले समुद्री खोज गरिरहँदा अमेरिकी जासुसी विमानले आफूहरुको निगरानी गरेको चिनियाँ वैज्ञानिकहरुले बताएका छन्।

अमेरिकामा भीषण गोलीबारी, ५० जनाको मृत्यु, २०० भन्दा बढी घाइते - 2017-10-03
लस भेगास, १६ असोज संयुक्त राज्य अमेरिकाको लस भेगासमा आइतबार राति मच्चिएको भीषण गोलीकाण्डमा कम्तीमा ५८ जनाको मृत्यु भएको छ । ५०० जनाभन्दा बढी घाइते भएका छन् ।

किम जोङ नाम हत्या आरोपी दुई महिलाद्वारा निर्दोष रहेको दाबी - 2017-10-03
एजेन्सी, असोज १६ उत्तर कोरियाली नेता किम जोङ उनका सौतेनी दाजु किम जोङ नाम हत्याका आरोपी दुई महिलाले आफूहरु निर्दोष रहेको दाबी अदालतसमक्ष गरेका छन्। मलेसियाको एक अदालतमा सुरु भएको सुनुवाइमा उनीहरुले यस्तो दाबी गरेका हुन्।

बेइजिङको चोङनानहाइमा महराले भनेः सिमापार रेलमार्ग नेपालको राष्ट्रिय प्राथमिकता - 2017-09-08
बेइजिङ, भदौ २३ उपप्रधान तथा परराष्ट्रमन्त्री कृष्णबहादुर महराले चिनियाँ रेलमार्ग नेपाल जोड्ने परियोजनालाई नेपालले राष्ट्रिय प्राथमिकतामा राखेको र यसमा सरकार तथा विपक्षी पार्टीका प्रमुख नेताहरूबीच सहमती जुटेको चिनियाँ प्रधानमन्त्रीलाई बताएका छन्।

देउवाको भारत भ्रमणप्रति चीनको शुभेच्छा - 2017-08-23
बेइजिङ, भदौ ७ प्रधानमन्त्री शेरबहादुर देउवाको बुधबारदेखि सुरू पाँच दिने भारत भ्रमणप्रति चीनले शुभेच्छा प्रकट गरेको छ। हाल चीन र भारतबीच दोक्लम विवाद जारी रहेको अवस्थामा प्रधानमन्त्री देउवाको भारतको राजकीय भ्रमणप्रति निकै ध्यानाकर्षण भैरहेको बेला चीनले यस्तो शुभेच्छा प्रकट गरेको हो।

ट्रम्पलाई ‘अबुझ’ भन्दै उत्तर कोरियाद्वारा ग्वाममा क्षेप्यास्त्र प्रहार गर्ने चेतावनी - 2017-08-10
काठमाडौँ, साउन २६ उत्तर कोरियाले अमेरिकी राष्ट्रपति डोनाल्ड ट्रम्पलाई ‘अबुझ’ को संज्ञा दिँदै केही दिनभित्रै प्रशान्त महासागरीय टापु ग्वामनजिकै चार ओटा क्षेप्यास्त्र प्रहार गर्ने चेतावनी दिएको छ।

1 2 3 NEXT




Rautahat Media Pvt. Ltd.

Rautahat Online

Gaur - 8, Rautahat
Nepal
Tel : 0977-55-521595
URL: http://www.rautahatonline.com, Skype : khgsindhuli

Email: rautahatonline@gmail.com

1643129 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top