रौतहट जिल्ला कै पहिलो अनलाईन पत्रिका "रौतहट अनलाईन"
logo
 मधुकुमार थापा भए प्रदेश तीनको उत्कृष्ट प्रहरी     प्रेममा छिन् सरस्वती प्रतीक्षा     मेलम्ची खानेपानी आयोजनाको बाँकी काम ‘सिएमसी’ बाटै गराउनुपर्छ : खानेपानी मन्त्री मगर     ‘घाम जुन चाहिदैन’ भन्दै रोमान्टिक बने प्रदिप र जसिता     प्रचण्डकी नातिनी र सशस्त्रका आईजीपी खनालको छोराले ल्याए भ्यालेन्टाइन स्पेशल गीत      बैंकको ब्याज नघटे १५ दिनभित्र आन्दोलनमा उत्रिने नेपाल उद्योग वाणिज्य महासंघको चेतावनी     रौतहट प्रहरी उपरिक्षकमा भुपेन्द्र खत्री      प्रेम दिवसमा जुनुको ‘धक धक…      नेकपाका कारण नगरसभा हुनसकेन - नगर प्रमुख यादव     महिला सश्स्क्तीकरण आफ्नो प्रमुख प्राथमिकता - नगर उप प्रमुख ठाकुर      हिउँदे वर्षाले रौतहटमा ५० करोड रुपैयाँको इँटा नष्ट-अध्यक्ष साह   
विचार/विश्लेषण

प्रेममा छिन् सरस्वती प्रतीक्षा



विचार/विश्लेषण   23 पटक पढिएको   रौतहट अनलाईन     

काठमाडौं/०२,फाल्गुन/ एसएलसी दिँदा सरस्वती प्रतीक्षा १४ वर्षकी थिइन् । पहिलो प्रेम प्रस्ताव ११ वर्षकै उमेरमा पाइन् । त्यतिवेला सात कक्षामा पढ्थिन् । प्रेम भनेको के हो भन्ने नै थाहा थिएन ।

प्रेममा छिन् सरस्वती प्रतीक्षा


प्रेमपत्र पाएपछि रमाइलो मानेर साथीहरूसँग बसेर पढिन् । उनलाई प्रेमपत्र पठाउने केटो आठ कक्षामा पढ्थ्यो । अरू कुरा त खासै याद छैन, तर त्यो पहिलो प्रेमपत्र भएकाले त्यसमा लेखिएको पहिलो वाक्य भने उनको मानसपटलमा अझै ताजै छ । पत्रमा लेखिएको थियो–
प्रिय,
अधुरो प्रेमको अधुरो सम्झनाले तड्पिरहेको मनलाई शान्त पार्न पत्र लेख्दै छु । उनको नाममा कति प्रेमपत्र लेखिए, लेखिए । उनीसम्म आइपुगेका प्रेमपत्र नै अनगिन्ती थिए । पत्रहरू कि त उनको मिल्ने साथीबाट आउँथे, कि प्रेषकको आफ्नै मिल्ने साथीमार्फत । ती प्रेमपत्र सँगालेर राखेको भए अहिले किताबको ठूलो ठेली नै हुन्थ्यो होला । ती सबै प्रस्ताव अस्वीकार गरेकी थिइन् ।

उतिवेला अक्षर र भाषा राम्रो भएकाले अरूका लागि प्रेमपत्र लेखिदिने चलन थियो । कसले लेखिदिएको प्रेमपत्र सफल हुन्छ भन्ने अघोषित प्रतिस्पर्धाजस्तै हुन्थ्यो । सरस्वतीको अक्षर र भाषा दुवै राम्रो । तर, सरस्वती भने फरक स्वभावकी थिइन् । न उनलाई कसैले प्रेमपत्र लेखिदिन आग्रह गरे, न कसैका लागि लेखिदिइन् । बरु साथीको प्रेममा समस्या आउँदा सरसल्लाह भने धेरै नै दिइन् ।

एकतर्फी प्रेममा १४ वर्ष
जब उनले कसैलाई मन पराइन्, त्यो मनपराइ एकोहोरो १४ वर्ष चल्यो । भन्छिन्, ‘मैले उसलाई पत्र पठाउने आँट कहिल्यै गरिनँ ।’ आफूले पाएका प्रेमपत्र बेवास्ता गर्नुको कारण पनि त्यही थियो । कसैलाई एकतर्फी प्रेम गर्थिन् । अनि कुनै पनि प्रेमपत्रहरूको जवाफ दिने कोसिस नै गरिनन् ।

सरस्वतीले एक्लै बसेर धेरै प्रेमिल सपना देखिन् । भन्छिन्, ‘टिनएजको पहिलो क्रस नै मेरो पहिलो प्रेम थियो ।’ यति गाढा थियो कि उसलाई मन पराएपछि १४ वर्षसम्म मन पराएको मान्छेको उपस्थिति नहुँदा पनि उसलाई मन पराइरहिन् । उनले ‘आई लभ यु’ भनेर त कहिल्यै भनिनन् । तर, उनलाई अहिले पनि लाग्छ, उनको भावभंगीले त्यो मान्छेले उसलाई प्रेम गर्नेचाहिँ बुझ्यो होला । भन्छिन्, ‘अफसोच ! मैले उसलाई भेट्नुअघि नै ऊ कसैको प्रेममा थियो ।’

हातमा मोबाइल, अनि दोहोरो प्रेम
समय फेरियो । उनको हातमा पनि मोबाइल प-यो । आफ्नै कोठामा बसेर बत्ती निभाएर निर्धक्क बोल्न सक्ने स्थिति बन्यो । बल्ल दोहोरो प्रेममा परिन् । ती दिनहरू स्मरण गर्छिन्, ‘जतिवेला म दोहोरो प्रेममा परेँ, त्यतिवेलासम्म मोबाइलका लामालामा म्यासेजहरूले पत्रको काम गर्थे ।’

प्रेमको सवालमा बिपीको सुम्निमाको अनुहारमा आफूलाई भेटाउँछिन् । सुम्निमा जंगलमा बस्छे र जंगली फूलजस्तै सुन्दर छे । भन्छिन्, ‘समाजले मूल्य, मान्यता र आडम्बरको कोष्ठकभित्र जकडेर प्रेम गर् भन्छ, तर ऊ त्यो कोष्ठक भत्काएर बेपर्वाह प्रेम गर्छे ।’

गुलाफ उपहार ! भनिन्छ यो प्रेमको अभिव्यक्ति हो । प्रेमदिवस होस् या अरू केही उत्सव, सरस्वतीलाई प्रशस्तै गुलाफ उपहार आउँछन् । उनलाई गुलाफ अति नै मन पर्छ । सायद दिनेले बुझेरै उपहारमा गुलाफ दिएका होलान् । उनलाई यस्तै लाग्छ । एकपटक साथीले भक्तपुर र पाटनका कलात्मक काष्ठकलाका सामग्रीहरू उपहार दिए । ती उपहार अझैसम्म सोकेसमा सजिएर बसेका छन् ।

पोस्टकार्डपछाडिको साहित्य
नयाँ वर्षमा पोस्टकार्ड उपहार । दसैँमा पोस्टकार्ड उपहार । अनि प्रेमप्रस्ताव पनि पोस्टकार्डमै । यस्तो चलन पनि थियो । मन पर्ने हिरो–हिरोइनको पोस्टकार्ड छान्यो, पछाडि आफ्ना भावना लेख्यो, मन परेका मान्छेलाई दियो । सरस्वतीले पनि पाइन्, थुप्रै पोस्टकार्ड । तर, आफूले भने नयाँ वर्ष वा विजयादशमीको शुभकामना पठाउन मात्र पोस्टकार्ड किनिन् । कति साथीलाई उनले पठाइन्, कतिले उनलाई पठाए । भन्छिन्, ‘उतिवेला त्यस्तो खालको शुभकामनाको आफ्नै रौनक हुन्थ्यो।’

उनलाई लाग्छ, आफूलाई मन नपरेको मान्छेको स्वभाव, चरित्र र कुराकानी केही मन पर्दैन । सरस्वतीलाई मन नपरेका मान्छेले नै धेरै प्रेमपत्र पठाए । पहिले चिठीबाट आउँथे, त्यस्ता प्रस्ताव । पोस्टकार्ड पनि पठाउँथे । पछि मोबाइलको युग आएपछि कहिले फोन त कहिले एसएमएसमार्फत प्रस्ताव आउन थाले । ‘प्रस्ताव राख्ने मान्छे फिटिक्कै मन नपरे पनि आत्मसम्मानमा ठेस पु-याउने काम कहिल्यै गरिनँ,’ उनी भन्छिन् । स–सम्मान नै त्यस्ता प्रस्ताव अस्वीकार गरेको उनको भनाइ छ । उनलाई जति प्रस्ताव आए पनि प्रस्ताव राख्नेसँग कहिल्यै प्रेम भएन । जोसँग उनको प्रेम भयो, प्रस्तावको जरुरत नै परेन । आखिर दिलको भाषा दिलले आफैँ बुझ्छ रे ।

विवाह लोप होला, प्रेम चलिरहन्छ
केही प्रेमपत्र अहिले पनि सम्झन्छिन् । सबैभन्दा बढी सम्झनाचाहिँ अंग्रेजीमा लेखिएको प्रेमपत्रको हुन्छ । त्यो मीठो थियो । निकै लामो पनि । मान्छे मन नपरे पनि उसका अक्षरहरू यति राम्रा र कलात्मक थिए कि महिनौँसम्म त्यसमा डुबिरहिन् । भाषा पनि उत्तिकै मीठो । त्यो पत्र सम्झिएर हाँस्दै भन्छिन्, ‘खासमा पत्र पठाउने मान्छेसँग नभई पत्रसँग पो प्यारमा थिएँ म।’

प्रेमले विवाह जन्माउँछ, विवाहले प्रेम जन्माउन सक्छ कि सक्दैन ? उनलाई लाग्छ, विवाह मानवनिर्मित संस्था हो । त्यसैले प्रेम र विवाहलाई उनी फरक देख्छिन् । विवाह नामक संस्था निर्माण हुनुअगावै पनि मान्छेहरू प्रेम गर्थे । कुनै दिन संसारबाट विवाह लोप भयो भने पनि मान्छेहरू प्रेम गरिरहनेछन् । विवाह आफैँ घटित हुँदैन । तर, कुनैकुनै विवाहमा भने प्रेम घटित हुन सक्छ । त्यसलाई अपवादमा राख्छिन्, उनी ।

बगाउँछ प्रेमको आँसुले
प्रेममा ‘ड्रिम ब्वाइ’ वा ‘ड्रिम गर्ल’ हुनु नै प्रेम हुनुजस्तो लाग्छ, उनलाई । पहाड टाढाबाट हेर्दा राम्रो देखिन्छ, नजिक गएपछि काँडे झ्याङदेखि वनमारा पनि भेटिन्छ । प्रेम त्यही पहाडजस्तै सापेक्षित लाग्छ, उनलाई । प्रेमका कारण उनले धेरै गुमाएकी छिन् । तर, उनलाई गुमाएँजस्तो नै लाग्दैन । भन्छिन्, ‘प्रेम भन्ने कुरा नै यस्तो, जे गुमाए पनि नगन्य लाग्छ ।’ प्रेमलाई लामो समयसम्म टिकाउन धेरै कुरा गुमाउनुपर्ने मत राख्छिन् । कहिलेकाहीँ त आफूले आफैँलाई समेत गुमाउनुपर्ने हुन्छ रे । पूर्ण प्रेम हुनका लागि अरू कसैमा समाहित हुनैपर्छ, तर समाहित हुन सानोतिनो आँट या निष्ठाले पुग्दैन भन्ने लाग्छ उनलाई ।

प्रेमका कारण उनका आँखा धेरैपटक रसाएका छन् । कहिलेकाहीँ त साउने भेल नै बनेर आँसु उर्लिएको पनि छ । घुर्की र असमझदारी हावी हुँदा उनका आँखाबाट आँसु खसेका छन् । प्रेमले खस्ने आँसु धेरै शक्तिशाली हुन्छ भन्ने अनुभव छ, उनको । भन्छिन्, ‘प्रेममा खस्ने केही थोपा आँसुमा यति धेरै तागत हुन्छ कि मान्छे आफ्नै आँसुमा बगेर कहाँबाट कहाँ पुग्छ, भन्नै सकिन्न ।’

सरस्वतीको डिभाइन प्रेम
उनलाई प्रेमले आँसु मात्र होइन खुसी पनि दिएको छ । प्रेमले दिने खुसी निर्वाण या ध्यानले दिने आनन्द र खुसीजत्तिकै महत्वपूर्ण लाग्छ, उनलाई । प्रश्न गर्छिन्, ‘यस्ता वर्णनातीत अनुभूतिहरूको वर्णन म गरूँ कसरी ?’ सरस्वतीसँग प्रेमिल ‘नोस्टल्जिया’को खानी नै छ । यदि त्यो थिएन भने ‘अनुभूतिको तवरमा निकै गरिब महसुस गर्थें कि’ भन्ने सोच्छिन् । भन्छिन्, ‘मेरो निम्ति प्रेम शक्ति र कमजोरी दुवै हो, आफ्नो शक्ति र कमजोरी थाहा पाउन पनि मान्छे एकपटक गम्भीर प्रेममा पर्न जरुरी हुन्छ ।’

त्यसो भए सरस्वती प्रेममा छिन् ? हो, सरस्वती अहिले प्रेममा छिन् । तर, अलि फरक खालको प्रेम ठान्छिन्, डिभाइन प्रेम । न केही लिनु छ, न दिनु छ । पाउनु र गुमाउनुको सीमाभन्दा माथि उठेको प्रेममा छिन् । भन्छिन्, ‘प्रेममा किन परेँ ? त्यसको कारणचाहिँ थाहा छैन र कहिल्यै थाहा पाउन पनि चाहन्नँ ।’


साभार: नया पत्रिका






सम्बन्धित शिर्षक समाचारहरु

प्रेममा छिन् सरस्वती प्रतीक्षा - 2019-02-14

काठमाडौं/०२,फाल्गुन/ एसएलसी दिँदा सरस्वती प्रतीक्षा १४ वर्षकी थिइन् । पहिलो प्रेम प्रस्ताव ११ वर्षकै उमेरमा पाइन् । त्यतिवेला सात कक्षामा पढ्थिन् । प्रेम भनेको के हो भन्ने नै थाहा थिएन ।

नीति तथा कार्यक्रमले मधेसमाथि विभेद गर्‍योः वृषेशचन्द्र - 2018-05-24

काठमाडौं जेठ १० । राष्ट्रिय जनता पार्टी, नेपालका सांसद वृषेशचन्द्र लालले सरकारले ल्याएको नीति तथा कार्यक्रमले मधेसमाथि विभेद गरेको आरोप लगाएका छन्।

नेपाल को कम्युनिष्ट चरीत्रले देखाउन्छ बाम गठबंधन धेरै दिन टिकदैन्न - 2018-04-06

प्रकाश भाई मधेशिया /रौतहट /२२,चैत्र/ म होइनन् इतिहासले देखाएको छ कम्युनिष्ट को ढाल ओढेर कमाउनिष्टहरु को चरीत्रले २००६ सालमा नेपाल कम्युनिष्ट पाटी को स्थापन हुनकाल देखिनै संर्घष को क्रममा धेरै उथलपुथल भएको हो २०४० सालमानै मोहनबिक्रम को नेतृत्वमा र प्रचण्ड को सहभागीता

एकल संक्रमणीय प्रणालीबाट राष्ट्रियसभाको गठनः सिंह - 2017-12-23

काठमाडौँ पुस ८ नेपाली कांग्रेसका नेता प्रकाशमान सिंहले एकल संक्रमणीय प्रणालीबाट राष्ट्रियसभाको गठन गर्नु उपयुक्त हुने बताएका छन्। काठमाडौँ महानगरपालिका वडा नं २९ ले शनिबार डिल्लीबजारमा आयोजना गरेको ‘बधाई तथा धन्यवाद’ कार्यक्रममा नेता सिंहले सबै समुदायको प्रतिनिधित्व गराउनका लागि भए पनि एकल संक्रमणीय प्रणाली आवश्यक रहेको बताए।

म्यादी प्रहरी मृत्यु घटनाको छानविन गर्न मन्त्री शाहीको माग - 2017-12-23

काठमाडौँ पुस ८ विनाविभागीय मन्त्री महेन्द्रबहादुर शाहीले यही पुस ७ गते कालिकोटको सदरमुकाममा म्यादी प्रहरी विवेक ऐडीको दुःखद मृत्यु र आधा दर्जन जति घाइते भएको घटनाप्रति गम्भीर ध्यानाकर्षण भएको जनाएका छन्।

आफनै आमाले मेरो चरित्र हत्या गर्ने प्रयास गरेकी छिन - पिडित साह - 2017-12-16

रौतहट, २९ मंसिर । रौतहटको ईशनाथ नगरपालिका वार्ड नम्बर ३ औरैया टोल निवासी अन्दाजी १४ वर्षीय सुधा कुमारी साहले आफु लाइ आफनै आमा लखपति देवी साह चरित्र हत्या गर्ने प्रयास गरेको बताएकी छिन । बुवा सुरुजदेव

नेपाल बहुराष्ट्र भएको देश होः राजपा - 2017-11-23

महोत्तरी, मंसिर ७ राष्ट्रिय जनता पार्टीले आफ्नो घोषणापत्रमा नेपाल बहुराष्ट्रिय देश भएको उल्लेख गरेको छ। बिहिवार सार्वजनिक भएको राजपाको घोषणापत्रमा नेपाल ‘बहुभाषिक, बहुजातीय, बहुधार्मिक, बहुसांस्कृतिक र बहुराष्ट्रिय’ देश रहेको ब्याख्या गरिएको छ।

चीनकाजीले भनेः कम्युनिष्टहरुले लोकतन्त्र हरण गर्न सक्दैनन् - 2017-11-22

६ मंसिर प्रजातन्त्रमाथि सांघातिक हमला भएपछि लोकतान्त्रिक गठबन्धन गरिएको उनले बताए। लोकतन्त्रलाई समाप्त गर्नका लागि राणा, राजा र माओवादी लागेको आरोप लगाउँदै श्रेष्ठले जनताले दुःख गरी ल्याएको लोकतन्त्र कसैले हरण गर्न नसक्ने बताए।

प्रदेश नम्बर २ मा एक मात्र सरकार राजपा गठबन्धन - भण्डारी - 2017-11-13

महोत्तरी, कार्तिक २६ राजपा नेपाल अध्यक्ष मण्डलका सदस्य शरदसिंह भण्डारीले जनताले मधेशका शहीदको सम्मानस्वरुप राजपा नेपालको गठबन्धनलाई विजयी बनाएर २ नं प्रदेशमा मधेश प्रदेश सरकार बन्ने दावी गरेका छन्।

माधव नेपाललाई सजिलै हराउँछु: दीपक कुइँकेल - 2017-11-10

कार्तिक २४ दोस्रो संविधान सभा निर्वाचनमा चुनाव जितेपछि काठमाडौं छोडेर रौतहट–१ रोजेका पूर्वप्रधानमन्त्री एवं एमाले बरिष्ठ नेता माधव नेपाल फेरि फर्केर आएपछि फेरि चर्चामा छ, काठमाडौं–२। ‘हेभिवेट’ माधव नेपालविरुद्ध उम्मेदवार बनेका कांग्रेसका उम्मेदवार दीपक कुइँकेल यतिबेला चुनावी अभियानमा छन्।

प्रदेश नम्बर २ मा मधेसी जनताको सरकार बन्छ - ठाकुर - 2017-11-05

कार्तिक १९ राष्ट्रिय जनता पार्टी नेपालका संयोजक महन्थ ठाकुरले प्रदेश नम्बर २ मा मधेसवादी दलले बहुमत प्राप्त गर्ने र मधेसी जनताको सरकार बन्ने दावी गरेका छन्। आइतबार महोत्तरीको जलेश्वरमा आयोजित पत्रकार सम्मेलनको महोत्तरी क्षेत्र नम्बर ३ बाट संघका उम्मेदवार समेत रहेका ठाकुरले मधेसीको बाहुल्यता रहेको क्षेत्रमा मधेसी उम्मेदवारलाई मात्रै भोट हाल्न आग्रह गरे।
  • मधुकुमार थापा भए प्रदेश तीनको उत्कृष्ट प्रहरी

    हेटौँडा/३, फागुन / जिल्ला प्रहरी कार्यालय मकवानपुरमा कार्यरत मधुकुमार थापा प्रदेश नंबर ३ को उत्कृष्ट प्रहरी घोषित भएका छन् ।
    बिशेष
    7     रौतहट अनलाईन
  • प्रेममा छिन् सरस्वती प्रतीक्षा

    काठमाडौं/०२,फाल्गुन/ एसएलसी दिँदा सरस्वती प्रतीक्षा १४ वर्षकी थिइन् । पहिलो प्रेम प्रस्ताव ११ वर्षकै उमेरमा पाइन् । त्यतिवेला सात कक्षामा पढ्थिन् । प्रेम भनेको के हो भन्ने नै थाहा थिएन ।
    विचार/विश्लेषण
    23     रौतहट अनलाईन


रौतहट अनलाईन टिभी
सम्पर्क
Rautahat Media Pvt. Ltd.
Gaur - 8, Rautahat, Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

2507894 times visited !

Praveen Kumar Sharma, Exeuctive, 9801023044
Rautahat Media Pvt. Ltd. © All Rights Reserved. 2018
Powered by: ExNet  
Top