रौतहट जिल्ला कै पहिलो अनलाईन पत्रिका "रौतहट अनलाईन"
logo
 ४० हजार घुससहित शिक्षा समन्वय अधिकारी साह पक्राउ     कम्प्युटर हस्तान्तरण तथा कम्प्युटर कक्षाको उदघाटन कार्यक्रम सम्पन्न      १२ किलो गाँजा सहित दुइ पक्राउ     सम्झना दासलाई श्रद्धाञ्जली अर्पण गर्दै दिप प्रज्वलन     नेपाल कम्युनिष्ट पार्टीको प्रदेश नं 2 को अध्यक्षमा विकास पुरूष विकाश प्रेमी माननीय प्रभु साह      पाँच वर्षमा १८ सय कम्पनी खारेज     सरकार र आन्दोलनरत सवारी चालकबीच आठ बुँदे सहमति, आन्दोलनका कार्यक्रम फिर्ता     मन्त्री मगरको निर्देशनमा ७५ वटै जिल्लाका सयौं अस्पताल र उद्योगमा आकस्मिक अनुगमन      संघीय निजामती ऐनको मस्यौदामा थप छलफल गरिने      संसद खड्का बिकास तथा प्रबिधी समितीको सभापती     अख्तियारद्वारा १ लाख घुस रकम सहित रंगेहात महानगरपालिका शिक्षा फाँटका २ अधिकृत सहित ३ पक्राउ   
देश

‘प्रेस स्वतन्त्रता हनन भए सडकमै उत्रन्छौं’ - महासंघ



देश   1 पटक पढिएको        

फाल्गुन २८ काठमाडौँ — ‘अवहेलना’ को प्रावधान दुरुपयोग गर्दै अदालत र प्रेस काउन्सिल मिडियामाथि नै ‘प्रि–सेन्सरसिप’ लगाउनेतर्फ गए सडक आन्दोलनमा उत्रने नेपाल पत्रकार महासंघले चेतावनी दिएको छ । ‘प्रधानन्यायाधीशको अयोग्यताबारे लेखिएका समाचारलाई लिएर कान्तिपुरमाथि अवहेलना मुद्दा लगाइनु र समाचार छाप्न रोक्न प्रेस काउन्सिललाई आदेश दिइनु प्रेस स्वतन्त्रताविरुद्ध कदम हुन्,’ महासंघका महासचिव रमेश विष्टले भने, ‘अदालतले त्यही प्रकृतिको फैसला सुनाए महासंघ सडकमा उत्रन बाध्य हुनेछ ।’ प्रधानन्यायाधीश गोपाल पराजुलीको फरक–फरक जन्ममिति र प्रमाणपत्र सम्बन्धमा कान्तिपुरमा प्रकाशित समाचारले अदालतको अवहेलना भएको भन्दै दायर मुद्दाको सर्वोच्चमा सुनुवाइ जारी छ । यसअघि पराजुलीकै एकल इजलासले कान्तिपुरलाई सर्वोच्चमा झिकाउनुका साथै ‘सेन्सरसिप’ लगाउन काउन्सिललाई आदेश दिएको थियो ।

उक्त कदमले प्रेस तथा अभिव्यक्ति स्वतन्त्रता नै संकुचित हुने स्थितिमा पुगेको निचोडसहित कान्तिपुरप्रति ऐक्यबद्धता जनाउन महासंघको उच्चस्तरीय टोली आइतबार कान्तिपुर कार्यालयमा आएको हो ।

‘प्रेस स्वतन्त्रता संयुक्त राष्ट्रसंघको विश्वव्यापी घोषणापत्रमा व्यवस्था गरिएको प्रावधान हो । यसलाई कुनै पनि न्यायाधीशको आदेशले उल्लंघन गर्न त परको कुरा, त्यसविरुद्ध संविधानमै प्रावधान भए स्वत: खारेज हुन्छ,’ महासंघका उपाध्यक्ष विपुल पोखरेलले भने, ‘प्रेस स्वतन्त्रतालाई संकुचित गरिने कुनै पनि क्रियाकलाप वा निर्णयको महासंघले खुलेर विरोध गर्नेछ । यो नेपालको संविधान र विश्वव्यापी घोषणाविरुद्ध हो ।’

पोखरेलले न्यायाधीशका चारित्रिक विषयले सिंगो अदालतको प्रतिनिधित्व गर्न नसक्ने बताए । ‘समाचारको एउटा पात्रले आफूलाई पीडित दाबी गर्दै प्रेस काउन्सिलमा उजुरी गर्न वा अदालत जान मिल्छ,’ उनले भने, ‘तर पदीय दुरुपयोग गर्दै प्रेस स्वतन्त्रता कुण्ठित पार्न मिल्दैन ।’

पराजुलीले प्रेस काउन्सिललाई दिएको ‘सेन्सरसिप’ को आदेश र लगत्तै काउन्सिलले कान्तिपुरलाई तारन्तार स्पष्टीकरण सोधेको घटनालाई गम्भीरतापूर्वक हेर्नुपर्ने महासंघको ठहर छ । ‘हामीले अदालतको क्रियाकलापसँगै काउन्सिलका गतिविधिसमेत नियालिरहेका छौं,’ महासचिव विष्टले भने, ‘प्रेस स्वतन्त्रताविरुद्ध अघि बढ्न कसैलाई दिँदैनौं ।’









सम्बन्धित शिर्षक समाचारहरु
  • ४० हजार घुससहित शिक्षा समन्वय अधिकारी साह पक्राउ

    २५ असोज, वीरगञ्ज । वीरगञ्जबाट शिक्षा विकास तथा समन्वय इकाइ पर्साका प्रमुख जिल्ला शिक्षा समन्वय अधिकारी लालबाबु प्रसाद साह घुस रकमसहित पक्राउ परेका छन् । अख्तियार दुरुपयोग
    समाज
    382    
  • कम्प्युटर हस्तान्तरण तथा कम्प्युटर कक्षाको उदघाटन कार्यक्रम सम्पन्न

    राम विश्वास मुखिया / रौतहटको राजदेवी नगरपालिका वडा न ९ ब्रहम्पुरीमा रहेको माध्यमिक विद्यालय ब्रहम्पुरीमा एक कार्यक्रमका बीच कम्प्युटर कक्षाको उदघाटन कार्यक्रम सम्पन्न भएको छ । विद्यालयमा प्राप्त २० ओटा कम्प्युटर हस्तान्तरण तथा कम्प्युटर कक्षाको उदघाटन कार्यक्रम सम्पन्न भएको छ । विश्व शिक्षाको
    समाज
    28    


रौतहट अनलाईन टिभी
सम्पर्क
Rautahat Media Pvt. Ltd.
Gaur - 8, Rautahat, Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

2347893 times visited !

Praveen Kumar Sharma, Exeuctive, 9801023044
Rautahat Media Pvt. Ltd. © All Rights Reserved. 2018
Powered by: ExNet  
Top