कसरी हुन्छ गौर राईसमिल्सको जग्गा अधिग्रहण ? /* - - - Script for Auto Navigation - - - */

कसरी हुन्छ गौर राईसमिल्सको जग्गा अधिग्रहण ?

रौतहट, १८ माघ


रौतहटको सदसमुकाम गौरमा रहेको राईसमिल्सको जग्गा अधिग्रहणको विषय अहिले चर्चाको उच्च शिखरमा पुगेको छ । गौर नगरपालिका अन्तर्गत वडा नम्बर ४ मा रहेको गौर राईसमिल्सको जग्गा नगरपालिका कार्यालयले अधिग्रहण गर्नुपर्ने विषय अहिले चर्चाको सतहमा पुगेको हो ।


लामो समय देखी जनप्रतिनिधि विहिन रहेको स्थानीय तहमा जनप्रतिनिधी निर्वाचित भएर आएपछि उक्त विषयले चर्चा पाएको हो । एकातर्फ स्थानीय तहमा जनप्रतिनिधि निर्वाचित भएर आएपछि उक्त जग्गाको मुआबजा सहित अधिग्रहण गर्छु भनिरहेका छन् भने अर्काेतर्फ राईसमिल्स कम्पनीका संचालक सदस्यहरुले जग्गा बिक्री गर्छु भनेर बाटो प्रमाणीत गराउनका लागी वडा देखी नगरपालिका कार्यालय सम्म दिनहु दौडिरहेका छन् ।

५ बिगहा १९ कट्ठा १५ धुर क्षेत्रफल रहेको उक्त जग्गा अधिग्रहण गर्नका लागी गौर नगरपालिका कार्यालयले संघिय मामिला तथा स्थानीय विकास मन्त्रालय बाट १४ करोड ७ लाख ९८ हजार ५ रुपैया मुआबजा बापत माग गरीरहेको छ । तर जग्गा धनी बनेका राईसमिल्सका संचालक समितीका सदस्य समेत रहेका बैकुण्ठ पौडेलले जग्गाको मुल्याङ्कन नगरपालिकाको चलनचल्तीको हिसाबले नै ५० करोड भन्दा माथी रहेकोले त्यती न्युन रकममा गौर नगरपालिकालाई दिन नसकिने बताइरहेका छन् ।

भर्खरै सम्पन्न गौर नगरपालिकाको नगर परिषदबाट उक्त जग्गा अधिग्रहण गर्नुछ भनेर २० लाख रुपैया छुट्याइएपनि त्यती सानो रकमले जग्गाको अधिग्रहण कसरी हुन्छ रु भन्ने प्रश्नको जवाफ गौर नगरबासीले खोज्न थालेका छन् ।



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

1920377 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top