अनसन बसेर अदालतलाई प्रभावित गर्न पाइँदैनः रामशरण महत /* - - - Script for Auto Navigation - - - */

अनसन बसेर अदालतलाई प्रभावित गर्न पाइँदैनः रामशरण महत

काठमाडौँ पुस २८


नेपाली कांग्रेसका नेता डा. रामशरण महतले जुलुस र अनसनका बलमा न्यायलयलाई प्रभावित पार्ने काम नगर्न डाक्टर गोविन्द केसीलाई चेतावनी दिएका छन्। उनले राजीनामा दिने वा नदिने कुरा प्रधानन्यायधीशको हातमा हुने भन्दै उनीबारे छानबीन गरी तथ्य बाहिर आउनुपर्ने बताए।



‘न्यापालिका स्वतन्त्र हुन्छ, यही मान्यता अनुसार स्वतन्त्र रुपमा काम गर्न दिनुपर्छ, कुनै दबाब वा हस्तक्षेप गर्नुहुँदैन,’ शुक्रबार रिपोर्टर्स क्लबमा महतले भने, ‘जहाँसम्म केसीको माग छ, राजीनामा दिने वा नदिने भन्ने कुरा प्रधानन्यायाधीशको आफ्नो कुरा हो, तर आरोपका आधारहरु प्रमाणित गर्नुपर्छ। सत्य हो कि होइन भन्ने कुरा आउनुपर्छ।’

‘केसीले उठाएका मेडिकल एजुकेसनसम्बन्धी मागमा राम्रा कुराहरु छन्, तिनलाई सम्बोधन गर्न मैले पनि पहल गरेकै हो,’ उनले भने, ‘प्रधानन्यायाधीश वा न्यायाधीशहरुको बारेमा कुनै विवाद भए छानबिन गर्न न्याय परिषद र संवैधानिक परिषद भएकोले यस विषयमा यी दुई निकायले निर्क्यौल गर्नुपर्छ।’

महतले सरकार गठनमा भएको ढिलाइमा संवैधानिक प्रक्रिया दोषी भएको बताए। ‘अहिलेका प्रधानमन्त्रीको नियत सफा छ, बाध्यकारी भएरमात्रै उहाँ बसिरहनुभएको हो,’ उनले भने। उनले सकेसम्म चाँडो सत्ता हस्तान्तरण गरिनुपर्ने बताए।



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

1866389 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top