जहाज नउडेपछि प्रचण्ड गाडीबाटै काठमाडौं आउँदै /* - - - Script for Auto Navigation - - - */

जहाज नउडेपछि प्रचण्ड गाडीबाटै काठमाडौं आउँदै

काठमाडौं पुस २३


मौसम खरावीका कारण भरतपुर–काठमाडौंको उडान हुन नसकेपछि माओवादी केन्द्रका अध्यक्ष पुष्पकमल दाहाल ‘प्रचण्ड’ गाडीबाटै काठमाडौं प्रस्थान गरेका छन्। भरतपुर महानगरपालिकाकी मेयर तथा छोरी रेणु दाहालको गाडी चढेर उनी काठमाडौं प्रस्थान गरेका हुन्।



यति एयरलाइन्सको पहिलो उडानबाटै प्रचण्डको काठमाडौं आउने कार्यक्रम थियो। तर, हुस्सुले लागेर काडमाडौंबाट जहाज भरतपुर जान नसकेपछि प्रचण्डले सडकको विकल्प रोजेका हुन्।

शुक्रबार भएको भरतपुर महानगरपालिकाको नगरपरिषद् बैठक उद्घाटनका लागि प्रचण्ड विहीबार अपरान्ह त्यसतर्फ लागेका थिए।

शुक्रबार नगरपरिषदको उद्घाटन गरेपछि प्रचण्डले चितवनमा राजनीतिक–पारिवारिक भेटघाट गरेर बिताए। त्यसपछि शनिबार विहानै काठमाडौं प्रस्थान गर्ने कार्यक्रम थियो।

तर मौसममा खरावीका कारण शनिबार दिनभरि भरतपुरमा जहाज अवतरण गर्न नसकेपछि उनी आइतबार विहानमात्र काठमाडौं आउने कार्यक्रम बन्यो।

केही समयअघिमात्र भरतपुरबाट छोरी रेणुको गाडीबाट काठमाडौंका लागि प्रस्तान गरेका प्रचण्ड मुग्लिनबाट चाहिँ आफ्नै गाडीबाट काठमाडौं आउनेछन्।

‘काठमाडौंबाट गाडी मुग्निनर्फ प्रस्थान गरिसकेको छ’ स्रोतले भन्यो, ‘रेणुको गाडीले मुग्लिनसम्म पु¥याएपछि उहाँ आफ्नै गाडीमा काठमाडौं आउनु हुनेछ।’

गाडीबाट काठमाडौं आउनु परेपछि आज हुने भनिएको प्रचण्ड र एमाले अध्यक्ष केपी शर्मा ओलीबीचको भेटघाटपनि अनिश्चित बनेको छ।

‘चाँडै काठमाडौं आइपुग्नु भयो भने भेटघाट र कुराकानी होला’ प्रचण्डको पारिवारिक स्रोतले भन्यो, ‘तर बाटोको खरावीका कारण काठमाडौं पुग्नै ढिला हुने सम्भावना छ।’



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2109936 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top