सरकारविरोधी प्रदर्शनमा इरानमा १० जना मारिए /* - - - Script for Auto Navigation - - - */

सरकारविरोधी प्रदर्शनमा इरानमा १० जना मारिए

एजेन्सी, पुस १७


इरानको सरकारी टेलिभिजनले आइतबार भएको सडक प्रदर्शनका क्रममा १० जनाको ज्यान गएको जनाएको छ। ‘विभिन्न सहरहरुमा गरेर आइतबार रातीको प्रदर्शनमा १० जनाको मृत्यु भएको छ,’ सरकारी टेलिभिजनको भनाइ रोयटर्सले उधृत गरेको छ।



विभिन्न सहरहरुमा बिहीबारदेखि आर्थिक अवस्था, भ्रष्टाचार र अनियमितताको विरोध गर्दै प्रदर्शन आयोजना भएको छ। राष्ट्रपति हसन रुहानीले प्रदर्शनको अधिकार नागरिकलाई भए पनि हिंसा फैल्याउने अधिकार नभएको बताएका छन्। उनले विदेशीको इशारामा प्रदर्शन भएको आरोप पनि लगाएका छन्।

केही प्रदर्शनकारीले देशमा राजतन्त्र फर्किनुपर्ने र अमेरिकामा निर्वासनमा रहँदै आएका पूर्व शाहका छोरा रजा पह्लवीले सत्ता सम्हाल्नुपर्ने माग राखेका छन्। अमेरिकी राष्ट्रपति डोनाल्ड ट्रम्पले पनि आन्दोलनको समर्थन गरेका छन्।

यद्यपि विश्लेषकहरुले प्रदर्शनलाई २००९ को आन्दोलनझैँ दबाइने आशंका व्यक्त गरेका छन्। सो वर्ष भएको आन्दोलनमा ३० जनाको ज्यान गएको थियो।

कतिपयले यो प्रदर्शन साउदी अरबको इशारामा भएको दाबी गरेका छन् र अझ केही आन्दोलन चर्किँदै गए मध्यपूर्वमा अर्को संकट सुरु हुने आशंका गरेका छन्।



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2110009 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top