म्यादी प्रहरी मृत्यु घटनाको छानविन गर्न मन्त्री शाहीको माग /* - - - Script for Auto Navigation - - - */

म्यादी प्रहरी मृत्यु घटनाको छानविन गर्न मन्त्री शाहीको माग

काठमाडौँ पुस ८


विनाविभागीय मन्त्री महेन्द्रबहादुर शाहीले यही पुस ७ गते कालिकोटको सदरमुकाममा म्यादी प्रहरी विवेक ऐडीको दुःखद मृत्यु र आधा दर्जन जति घाइते भएको घटनाप्रति गम्भीर ध्यानाकर्षण भएको जनाएका छन्।


मन्त्री शाहीले शनिबार एक प्रेस विज्ञप्ति प्रकाशित गरी घटना हुुनुका कारण पत्ता लगाइ दोषीमाथि कारबाही गर्न माग गरेका छन्।

‘सान्नी त्रिवेणी, चार तिकुवाका हरि ऐडीका २१ वर्षीय छोरा मृतक विवेक ऐडीको घर परिवारलाई उचित राहत तथा क्षतिपूर्ति र घाइतेलाई यथाशीघ्र उपचारको व्यवस्था गरिदिन नेपाल सरकारसँग माग गर्दछु,’ विज्ञप्तिमा भनिएको छ, ‘मृतक ऐडीप्रति हार्दिक श्रद्धाञ्जलि अर्पण गर्दै उनको घरपरिवार तथा सम्पूर्ण आफन्तजनमा समवेदना प्रकट गर्दछु।’

यस दुःखद घडीमा सबै पक्ष संयमित भई जिल्लाको शान्ति सुुरक्षालाई थप उत्तेजित पार्ने स्थिति नहोस् भनी सम्बन्धित पक्षलाई सचेत रहनसमेत विज्ञप्तिमार्फत उनले सबैमा आग्रह गरेका छन्। रासस



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2110011 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top