पहिलो पटक राज्यसभामा बोल्न लागेका सचिन तेन्दुलकरको सम्बोधनमा अवरोध /* - - - Script for Auto Navigation - - - */

पहिलो पटक राज्यसभामा बोल्न लागेका सचिन तेन्दुलकरको सम्बोधनमा अवरोध

एजेन्सी, पुस ६


भारतको माथिल्लो सदन राज्यसभाका सदस्य तथा क्रिकेट स्टार सचिन तेन्दुलकर कमै मात्र राज्यसभामा उपस्थित हुन्छन्। उनी अत्यन्त्र निस्क्रिय राज्यसभा सदस्यका रुपमा परिचित र आलोचित हुँदै आएका छन्। तर बिहीबार पहिलो पटक बोल्नका लागि समय लिएका सचिनको सम्बोधन अवरुद्ध भएको छ।


प्रधानमन्त्री नरेन्द्र मोदीले चुनावी अभियानका क्रममा पूर्व प्रधानमन्त्री मनमोहन सिंहबारे दिएको विवादास्पद अभिव्यक्तिबारे विपक्षीले राज्यसभामा नाराबाजी गरेपछि सचिनको सम्बोधन अवरुद्ध भएको हो।

मोदीले पूर्व प्रधानमन्त्री सिंहले गुजरातको चुनावबारे निलम्बनमा परेका कांग्रेस नेता मणिशंकर ऐय्यरको घरमा पाकिस्तानी व्यक्तिहरुसँग छलफल गरेको दाबी गरेका थिए।

सिंहले यसबारे मोदीले माफी माग्नुपर्ने माग राख्दै आएका छन्।

गुजरातको चुनाव त सकिइसकेको छ, बहुमत पनि भाजपाले ल्याइएको छ। तर बिहीबारबाट सुरु भएको संसदको हिउँदै अधिवेसनमा यो विषय चर्किएको छ।

त्यसैले पहिलो पटक राज्यसभामा बोल्न लागेका सचिनले बोल्न पाएनन्। निरन्तरको अवरोधपछि राज्यसभा बैठक शुक्रबार बिहान ११ बजेसम्मका लागि स्थगित गरिएको छ।

भारतीय सञ्चारमाध्यमहरुका अनुसार तेन्दुलकरले खेलको अधिकार तथा भारतमा खेलको भविष्यका विषयमा सम्बोधनको तयारी गरेका थिए।

२०१२ मा राज्यसभामा मनोनित सचिनको उपस्थिति भने ८ प्रतिशत मात्रै रहेको छ।

राज्यसभामा कम उपस्थित हुनेमा अभिनेतृ रेखा पनि पर्दछिन्।

सचिनले बोल्न नपाएको विषयमा अर्की राज्यसभा सदस्य अभिनेतृ जया बच्चनले असन्तुष्टि पोखेकी छन्। ‘उनलाई बोल्न दिइएन, यो लज्जाको विषय हो,’ जयाले भनिन्, ‘के राजनीतिकर्मीहरुलाई मात्रै बोल्ने अनुमति छ?’



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2111098 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top