जेरुसलेमबारे ट्रम्पको घोषणा विरुद्ध सुरक्षा परिषद्‌मा प्रस्ताव /* - - - Script for Auto Navigation - - - */

जेरुसलेमबारे ट्रम्पको घोषणा विरुद्ध सुरक्षा परिषद्‌मा प्रस्ताव

पुस २


राष्ट्रसंघको सुरक्षा परिषद्‌मा एकतर्फी रुपमा जेरुसलेमको हैसियतबारे गरिएका निर्णय खारेज गर्नुपर्ने माग सहितको एउटा मस्यौदा प्रस्ताव पुगेको छ।



अमेरिकी राष्ट्रपति डोनल्ड ट्रम्पले संयुक्त राज्य अमेरिकाले जेरुसलेमलाई इजराइलको राजधानीको रुपमा मान्यता दिने घोषणा गरेपछि इजिप्टले यस्तो प्रस्ताव गरेको हो।

लामो समयदेखिको अमेरिकी नीति उल्टाउँदै गरिएको उक्त घोषणाले व्यापक रुपमा अन्तर्राष्ट्रिय तहबाट आलोचना खेपिरहेको छ।

उक्त मस्यौदा प्रस्तावले सदस्य राष्ट्रहरुलाई जेरुसलेममा दूतावास नखोल्न अनुरोध गर्नुका साथै एकतर्फी रुपमा जेरुसलेमको हैसियतबारे लिइएका निर्णयले कानूनी मान्यता नपाउने र त्यो खारेज हुनुपर्ने माग गरेको छ।

यसै महिनाको सुरुमा राष्ट्रपति ट्रम्पले जेरुसलेमलाई इजरायललको राजधानीको मान्यता दिएपछि त्यसको अन्तराष्ट्रिय स्तरबाट आलोचना भएको थियो भने त्यसले मध्यपूर्वमा व्यापक आक्रोश निम्त्याएको थियो।

त्यसपछि अरब देशहरुका विदेशमन्त्रीहरुले सुरक्षा परिषदमा प्रस्ताव लैजाने निर्णय गरेका थिए।

यी प्रस्तावबारे अर्को हप्ताको सुरुसम्ममा मतदान हुनसक्ने ठानिएको छ।

व्यापक समर्थन पाएपनि यी प्रस्ताव विफल बनाउन अमेरिकाले भिटो भनिने सुरक्षा परिषदमा रहेको आफ्नो विशेषाधिकार प्रयोग गर्ने निश्चित जस्तै छ।

प्रकाशित २ पुस २०७४, आइतबार | 2017-12-17 11:46:38


कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2110008 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top