असमानता र भेदभाव अत्य नभएसम्म तराई– मधेसको विकास हुन सक्दैनः यादव /* - - - Script for Auto Navigation - - - */

असमानता र भेदभाव अत्य नभएसम्म तराई– मधेसको विकास हुन सक्दैनः यादव

राजविराज, मंसिर १०


संघीय समाजवादी फोरम नेपालका अध्यक्ष उपेन्द्र यादवले असामानता तथा भेदभाव अत्य नभएसम्म तराई– मधेसको विकास हुन नसक्ने बताएका छन्।


सप्तरीको राजविराजमा आइतबार पत्रकारसँग कुरा गर्दै अध्यक्ष यादवले विकास निर्माणबाट सप्तरी जिल्ला हरेक क्षेत्रमा पछाडि परेको र यहाँको विकास नहुनुमा शदियौँदेखि विभेद र असमानता कारण भएको बताएका छन्।

‘सप्तरी जिल्ला नेपालको तेस्रो पछाडि परेको जिल्ला हो, यहाँ खेतीबाहेक केही नभएका कारण अधिकांश युवा अहिले बेरोजगारीको चपेटामा छन्’, उनले भने।

सप्तरी क्षेत्र नं २ मा प्रतिनिधिसभा सदस्यका उम्मेदवार यादवले सप्तरीको विकास र बेरोजगारी समस्या समाधानका लागि आगामी प्रतिनिधि र प्रदेशसभा सदस्य निर्वाचनमा दुई तिहाइ मतबाट प्रदेश नं २ मा मधेस सरकार निर्माण गर्न सकेमा प्रहरी प्रशासन, लोकसेवा र शिक्षक सेवामा मधेसीको अधिकार सुनिश्चित हुने बताए।


सप्तरीसहित तराई–मधेसका जिल्लामा नदीनाला भए पनि खेतीका समयमा सिँचाइ नभएका कारण कृषि क्षेत्रको समेत विकास हुन नसकेको बताउँदै उनले वर्षेनी नदी र नालामा आएको बाढी तथा पहिराका कारण खेतको उर्वाराशक्ति कमजोर हुने गरेको र बाढीपहिराले जमिन कटान गरेपछि अधिकांश खेतमा उब्जाउ हुन नसकेको बताए।

यहाँ उद्योग, सिँचाइ र कृषिको विकास भए मात्र तराईको विकास हुने बताए।

अध्यक्ष यादवले नश्लवादी चिन्तनबाट बनाइएको संविधान आफूहरुको अधिकारका लागि नभएको बताउँदै त्यसको पुनःलेखन र संशोधन गरी मधेसी, मुुसलमान, जनजाति, पिछडिएका वर्ग, जाति भेदभाव र रङ्का आधारमा भइरहेको विभेद अत्य गर्न दुई तिहाइ मत दिन आग्रह गरे। रासस



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2108412 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top