३२ जिल्लामा आइतबार सवारीसाधन चलाउन नपाइने /* - - - Script for Auto Navigation - - - */

३२ जिल्लामा आइतबार सवारीसाधन चलाउन नपाइने

९ मंसिर, काठमाडौं ।


पहिलो चरण अन्तर्गत प्रतिनिभि र प्रदेशसभाको चुनाव हुने ३२ जिल्लामा भोलि सवारीसाधन बन्द हुने भएको छ । ३२ जिल्लामा शनिबार राति १२ बजेदेखि आइतबार साँझ ५ बजेसम्म सवारी चलाउन पाइने छैन । निर्वाचन


 आयोगले मंसिर १० गते मतदान हुने क्षेत्रमा निजी तथा सार्वजनिक सवारीसाधन सञ्चालनमा रोक लगाएपछि यो क्षेत्र भएर चल्ने सवारी प्रभावित हुने भएको हो ।

पहिलो चरणमा चुनाव हुने ३२ जिल्लामा आज शनिबार राति १२ बजेदेखि आइतबार साँझ ५ बजेसम्मका लागि सवारी साधन सञ्चालनमा रोक लगाइएकोले सोही अनुसार तयारी गर्न निर्वाचन आयोगले सूचना जारी गरेको छ ।

आयोगको यस्तो निर्णयसँगै पृथ्वी राजमार्ग र अरनिको राजमार्ग भएर ओहोर-दोहोर गर्ने सवारीसाधन प्रभावित हुने भएका छन् ।

पृथ्वी राजमार्गको केही भाग धादिङ र गोरखामा पर्छ । त्यहाँ भोलि मतदान हुँदैछ । त्यसैगरी, अरनिको राजमार्गसमेत भोलि प्रभावित हुनेछ ।

विपी राजमार्ग भएर रामेछाप, ओखलढुंगा जाने सवारीलाई समेत चुनावले असर गर्नेछ ।

भोलि मतदान हुने जिल्लामा निजी र सार्वजनिक यातायात सञ्चालनमा रोक लगाइए पनि सुरक्षा निकाय र निर्वाचन प्रयोजनका लागि सवारी पास लिएका साधन भने निर्वाध रुपमा चल्न पाउने छन् । अत्यावश्यक सेवाका एम्बुलेन्स, दमकल सञ्चालनमा पनि निर्वाचनले कुनै बाधा पार्ने छैन ।

प्रदेश र प्रतिनिधिसभाको निर्वाचन मंसिर १० र २१ गते दुई चरणमा हुँदैछ । भोलि ३२ जिल्लामा मतदान हुँदैछ भने २१ गते ४५ जिल्लाको चुनाव गर्ने कार्यतालिका छ ।



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2111037 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top