कांग्रेसलाई उपेन्द्र यादवको प्रस्ताव,‘समय बाँकी छ, चुनावी तालमेल गरौं’ /* - - - Script for Auto Navigation - - - */

कांग्रेसलाई उपेन्द्र यादवको प्रस्ताव,‘समय बाँकी छ, चुनावी तालमेल गरौं’

सप्तरी, मंसिर १


संघीय समाजवादी फोरम नेपालका अध्यक्ष उपेन्द्र यादवले नेपाली कांग्रेसलाई समय अझै बाँकी रहेको भन्दै चुनावी तालमेलका लागि आग्रह गरेका छन्। लोकतान्त्रिक गठबन्धन बनाउने भनिए पनि कांग्रेसले उदारता देखाउन नसकेको आरोप लगाउँदै यादवले अन्तिम समयसम्म पनि आफूहरु तालमेलका लागि तयार रहेको बताएका हुन्।

रिपोर्टर्स क्लब नेपालले शुक्रबार गरेको साक्षात्कारमा चुनावी बहसका क्रममा अध्यक्ष यादवले मधेसमा राजपा–फोरमसँग तालमेल गर्ने हो भने कांग्रेसलाई नै फाइदा हुने बताए। मधेसमा कांग्रेस निकै कमजोर भइसकेको दाबी गर्दै यादवले कांग्रेसले वुद्धि पु¥याएर तालमेल गर्न तयार भयो भने अझै पनि उम्मेदवारी फिर्ता लिएर सहयोग गर्न मिल्ने बताए।

कांग्रेसले महोत्तरी ३ मा महन्थ ठाकुर र सप्तरी २ मा यादवलाई समर्थन गर्दै उम्मेदवारी फिर्ता लिन निवेदन दिएको थियो। यादवको क्षेत्रबाट उम्मेदवार बनेका कांग्रेसका सकलदेव सुतिहारले उम्मेदवारी फिर्ताका लागि निवेदन पनि दिएका थिए। तर, ढिला भएका कारण फिर्ता हुन सकेको थिएन।

यादवले सप्तरी क्षेत्र नम्बर २ मा आफ्नो जित सुनिश्चित भएको दाबी गरे। आफ्ना प्रतिस्पर्धीहरु गैरराजनीतिक व्यक्ति भएको तर्क गर्दै यादवले बोल्नसमेत नजान्ने नेताले आफूलाई हराउन नसक्ने बताए।

उपेन्द्र होइन चुनाव मैले जित्छुः उमेश

कार्यक्रममा वाम गठबन्धनका उम्मेदवार उमेश यादवले भने उपेन्द्रले विगतको जनताको हितमा कुनै पनि काम नगरेकाले यसपटक जनताले आफूलाई जिताउने दाबी गरेका छन्।

आफूले विकास निर्माणका धेरै काम गरेको बताउँदै उमेशले चुनाव जितेपछि मधेसी जनताको हित हुने गरी संविधान संशोधनका लागि लडाई गर्ने प्रतिवद्धता व्यक्त गरे। आफ्नो पार्टी संविधान संशोधनका लागि तयार नभएपनि आफू अघि बढ्ने उनको भनाई छ।



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

1787650 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top