रौतहट जिल्ला कै पहिलो अनलाईन पत्रिका "रौतहट अनलाईन"
logo
 सशस्त्र प्रहरी निरीक्षक खनाल द्वारा साढ़े १४ लाखको सामान पक्राउ     साइकल लिएर कञ्चनपुर पुगिन खानेपानी मन्त्री बीना मगर     प्रदेश २ सरकारको गठबन्धन कुनै बेला पनि टुट्न सक्छः नेता नेपाल     राजपा नेपालका अध्यक्ष मण्डलका सदस्य झाद्धारा टिकुलिया पुल प्रति चासो व्यक्त     अवसर पाए महिला जुन सुकै क्षेत्रमा आफ्नो प्रतिभा देखाउन पछि नहटने :- राज्यमन्त्री झा     संविधान बदलियाे, संस्कार बदल्न सङ्घर्ष गरौं : बिना मगर     सुनचाँदी महासंघका उपाध्यक्ष रामजी साहलाई पितृ शोक     मधुकुमार थापा भए प्रदेश तीनको उत्कृष्ट प्रहरी     प्रेममा छिन् सरस्वती प्रतीक्षा     मेलम्ची खानेपानी आयोजनाको बाँकी काम ‘सिएमसी’ बाटै गराउनुपर्छ : खानेपानी मन्त्री मगर     ‘घाम जुन चाहिदैन’ भन्दै रोमान्टिक बने प्रदिप र जसिता   
अन्तर्राष्ट्रिय

भरणपोषणका लागि पूर्वपत्नीलाई दिएको ६ करोड युरो बर्लुस्कोनीलाई नै फिर्ता दिन अदालतको आदेश



अन्तर्राष्ट्रिय   8 पटक पढिएको        

मंसिर १ इटालीको एक अदालतले पूर्व प्रधानमन्त्री सिल्भियो बर्लुस्कोनीले एक पूर्व पत्नीलाई भरणपोषणका लागि दिएको ६ करोड युरो बर्लुस्कोनीलाई नै फिर्ता दिन आदेश दिएको छ।

भरणपोषणका लागि पूर्वपत्नीलाई दिएको ६ करोड युरो बर्लुस्कोनीलाई नै फिर्ता दिन अदालतको आदेश



बर्लुस्कोनीले पूर्व पत्नी वेरोनिका लारियोलाई भरणपोषणका लागि उपलब्ध गराएको सो रकम उनलाई आवश्यक नरहेको भन्दै फिर्ता गर्ने आदेश दिएको हो।

सन् २००९ मा एक १८ वर्षीया मोडलको जन्मदिनमा बर्लुस्कोनी देखिएपछि वेरोनिका र बर्लुस्कोनी छुट्टिएका थिए। सन् २०१२ मा अदालतले वेरोनिकाको भरणपोषणका लागि मासिक ३० लाख युरो दिन आदेश दिएको थियो। अर्कोवर्ष सन् २०१३ मा सो रकम घटाएर १४ लाख युरो प्रतिमहिना पु¥याइएको थियो। तर बर्लुस्कोनीले सो रकम अत्याधिक भएको भन्दै पुनरावेदन दिएका थिए।

मिलानको एक पुनरावेदन अदालतले अहिले बर्लुस्कोनीको पक्षमा फैसला दिएको हो।

वेरोनिका लारियो आफैँ १ करोड ६० लाख युरोको मालिक भएकोले उनको भरणपोषणका लागि थप रकम आवश्यक नपर्ने अदालतले फैसला गरेको हो।

चार पटक प्रधानमन्त्री भएका बर्लुस्कोनी इटालीका पाँचौ सबैभन्दा धनी व्यक्ति हुन्। फोर्ब्सका अनुसार उनको सम्पत्ति करिब ७ अर्ब डलर छ।

सन् १९८० मा बर्लुस्कोनी र वेरोनिका लारियोको पहिलो भेट भएको थियो। उनीहरुले १९९० मा विवाह गरेका थिए। कम उमेरका युवतीहरुसँग सम्बन्ध राखेको भन्दै सन् २००९ मा उनले सम्बन्धविच्छेदको माग गरेकी थिइन्।

त्यसअघि बर्लुस्कोनी कार्ला डलओग्लियोसँग २० वर्ष लामो सम्बन्धमा थिए। कार्ला र बर्लुस्कोनीका दुई सन्तान छन्।

८१ वर्षीय बर्लुस्कोनी र ६१ वर्षीया वेरोनिकाका पनि तीन सन्तान छन्।

बर्लुस्कोनीले अहिले ३२ वर्षीया फ्रान्सेस्का पास्कलसँग ‘इन्गेज्मेन्ट’ गरिसकेका छन्। एजेन्सी










सम्बन्धित शिर्षक समाचारहरु


रौतहट अनलाईन टिभी
सम्पर्क
Rautahat Media Pvt. Ltd.
Gaur - 8, Rautahat, Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

2511683 times visited !

Praveen Kumar Sharma, Exeuctive, 9801023044
Rautahat Media Pvt. Ltd. © All Rights Reserved. 2018
Powered by: ExNet  
Top