‘म पनि नवजवान हुँ’ भन्दै ओलीले गरे ‘फोटो सेसन’ /* - - - Script for Auto Navigation - - - */

‘म पनि नवजवान हुँ’ भन्दै ओलीले गरे ‘फोटो सेसन’

२८ कार्तिक


उमेरले एमाले अध्यक्ष केपी शर्मा ओली ६५ वर्ष पुगे। तर उनलाई आफू अझै नवजवान नै छु भन्ने लाग्दो रहेछ। त्यसैले ‘म पनि नवजवान हुँ’ भन्दै ओलीले मंगलबार दिउसो माओवादी केन्द्रका एक युवा नेतासँग फोटो सेसन नै गराए।


एमाले र माओवादी केन्द्रले मंगलबार दिउसो जमलस्थित होटल यलो प्यागोडामा राजधानी उपत्यकाका उम्मेदवारहरुको परिचय कार्यक्रम आयोजना गरेका थिए। ओली प्रमुख अतिथि रहेको कार्यक्रममा उपत्यकामा वामगठबन्धनका सबै उम्मेदवार सहभागी थिए।

कार्यक्रममा सम्बोधनका क्रममा ओली नेपाली कांग्रेस र प्रधानमन्त्री शेरबहादुर देउवाको सरकारप्रति निकै आक्रोसित देखिन्थे। कांग्रेस र देउवाप्रति आक्रोस पोखेकाले होला, त्यसपछि उनी 'फ्रेस' देखिए। कार्यक्रम सकिएपछि ओली उम्मेदवारहरुसँग जिस्किन थाले।

ओलीको आडैमा थिए, काठमाडौं–१ का उम्मेदवार अनिल शर्मा। ओलीले शर्मालाई छेउमा बोलाए। शर्मासँगै अखिल (क्रान्तिकारी) का नेता नरेन्द्र बयडी पनि थिए। ओलीले बयडीसँग भने, 'म पनि नवजवान नै हुँ, अर्काे नवजवानसँग बसेर फोटो खिच्नुपर्‍यो।’

यति भन्दै ओलीले बयडीलाई फोटो खिच्न आग्रह गरे। बयडीले खिचिदिए। बयडीका अनुसार, त्यसपछि ओलीले भने, ‘तपाईंलाई म काठमाडौं–१ बाट जितको शुभकामना। तपाईंलाई सहयोगका लागि आउँला।’
 

 



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

1787643 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top