रुकुममा जनार्दन शर्मा चढेको गाडीलाई लक्षित गरी बम प्रहार /* - - - Script for Auto Navigation - - - */

रुकुममा जनार्दन शर्मा चढेको गाडीलाई लक्षित गरी बम प्रहार

रुकुम, कार्तिक २४


नेकपा माओवादी केन्द्रका नेता एर्व प्रतिनिधि सभा सदस्य उम्मेदवार जनार्दन शर्मा चढेका गाडीलाई लक्षित गरेर बम प्रहार गरिएको छ।



शुक्रबार रुकुमको चौरजहारीको प्रचार सकेर सानोभेरी आउँदै गरेका शर्मासहितको प्रचारटोली माथि बम प्रहार गरिएको हो।

आक्रमणकारीले अगाडिको गाडी छाडेर नेता शर्मा चढेकै गाडीलाई लक्षित गरेर दुई बम प्रहार गरेका थिए। दुई बममध्ये एउटा पड्किएको थियो। बम धुलोमा परेका कारण त्यसबाट कुनै मानवीय तथा भौतिक क्षति नभएको प्रचार टोलीका एक नेताले बताए।

विनाविभागी मन्त्री समेत रहेका नेता शर्माले आफू चढेकै गाडीलाई लक्षित गरेर बम प्रहार गरिएको बताए। उनले भने, ‘मेरै गाडीलाई लक्षित गरेर बम प्रहार गरिएको थियो।’ उनले सुरक्षाकर्मीको सर्तकता र पहलकदमीका कारण कुनै अप्रिय घटना भने हुन नपाएको बताए।

यता प्रहरीले भने आक्रमणकारीको बारेमा अहिलेसम्म कुनै पत्तो नलागेको बताएको छ। ‘घटनामा संलग्न व्यक्तिको खोजी भैरहेको छ’, जिल्ला प्रहरी कार्यालय रुकुम (पश्चिम)का प्रमुख डिएसपी राजेन्द्रप्रसाद धमलाले भने, ‘बम प्रहार गर्नेहरुलाई पक्रेरै छाडछौँ।’

प्रहरीले बम प्रहारमा निर्वाचन विरोधीले गरेको हुनसक्ने अनुमान गरेको छ।

उक्त टोलीमा प्रदेश र समाननुपातिक उम्मेदवारहरु गोपाल शर्मा, चन्द्रबहादुर विक, विमला केसी, देवी ओलीलगायतका एमाले माओवादीका नेता तथा कार्यकताहरु सहभागी थिए।



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

1865661 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top