नेपाल-चीन नाकामा अत्याधुनिक निगरानी उपकरण /* - - - Script for Auto Navigation - - - */

नेपाल-चीन नाकामा अत्याधुनिक निगरानी उपकरण

बेइजिङ, कार्तिक १४


चीनले नेपालसँग सीमा जोडिएको तिब्बतको खासामा अत्याधुनिक निरीक्षण उपकरण जडान गरेको छ। चीन–नेपाल सीमा क्षेत्रको तिब्बती, खासा सीमा सुरक्षा जाँचबुझ केन्द्रले वैज्ञानिक प्रविधि नियन्त्रित मानवरहित उपकरण जडान गरेको हो। यसले रातको समयमा पनि अवलोकन गर्न सक्छ।


यसमा ठूलो डाटा क्लाउड कम्प्युटिंग जस्ता अत्याधुनिक उपकरण जोडिएको छ। ने ला मू सीमा चेकप्वाइन्ट सूचना विज्ञान प्रमुख अधिकृत छन स्याउछिङले भने, ‘आपतकालीन प्रणालीका लागि विद्युतीय तार जोडिराख्नु जरूरी छैन, विभिन्न मोनिटरिङ प्वाइन्टमा जडान गरे पुग्छ। नाइट भिजन फङ्सन भएकाले धेरै टाढा टाढासम्मको तस्वीर केन्द्रसम्म आइपुग्छ।’

’अब ने ला मू सुरक्षा जाँचबुझ केन्द्रले ठूलो डाटा क्लाउड कम्प्युटिंगलाई प्रयोग गर्दै चेतावनी क्षमतालाई सबल पारेको छ‘’, छनले भने, ‘सीमाको अत्याधुनिक प्रविधि नियन्त्रणबाट जाँचबुझ केन्द्रका पदाधिकारी तथा सेनाको काममा दवाव पनि कम हुनेछ। थप प्रभावकारी ढंगले सीमाक्षेत्रमा हुने अवैध गतिविधि नियन्त्रण गर्न सकिनेछ।’

२०७२ वैशाख १२ गते नेपालमा विनाशकारी भूकम्पका बेला त्यस क्षेत्रका अधिकांश क्यामरा निगरानी उपकरणहरू क्षतिग्रस्त भएका थिए।

ने ला मू सुरक्षा जाँचबुझ केन्द्रले नयाँ अत्याधुनिक वैज्ञानिक प्रविधियुक्त क्यामराबाट निगरानी गर्न सकिने उपकरण राखेपछि सुरक्षामा सहयोग पुग्ने अपेक्षा छ।

निगरानी उपकरण जोडिएको क्षेत्र तिब्बतको सिगात्से शहरको ने ला मू जिल्ला चीन–नेपाल सीमा व्यापारको पूरानो नाका नाका हो।

भूकम्पपछि भने खासा–तातोपानी ब्यापार नाका बन्द रहँदै आएको छ। तर त्यस क्षेत्रमा तस्करी र चीन विरोधी गतिविधि मौलाएकाले अहिलेसम्म पनि नाका नखोलिएको कतिपयको बुझाई छ।



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

1787645 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top