रौतहट जिल्ला कै पहिलो अनलाईन पत्रिका "रौतहट अनलाईन"
logo
 सिमरामा नापी र मालपोत कार्यालय स्थापना गर्न निजगढ नगरपालिकाका भ्रस्ट नगर प्रमुख सुरेश खनाल नै बाधक     देवाही गोनाही नपा र मौलापुर नपामा ईलाका प्रहरी कार्यालय स्थापना हुने      भ्रष्ट्र लेखापाल कुशवाहा र समाजिक सुरक्षा हिनामिना गर्ने हरेन्द्र यादवको कटहरिया नपामा दादागिरी     पूर्व सांसद आलमको निधनप्रति राष्ट्रियसभाद्वारा शोक प्रस्ताव पारित     डा.केसीको जीवनरक्षाको विषयमा पहल गर्न राजपालार्इ पत्र      प्रदेश २ का मुख्यमन्त्री लालबाबु राउतलाई मातृशोक     कार्यालय बाहिर चेक काटेको भन्दै नगर प्रमुख यादव सहित ५ समातिए     दुर्गा भगवती गाउँपालिकामा सार्वजनिक सुनुवाई कार्यक्रम सम्पन्न     जिल्ला प्राविधिक कार्यालयका ईन्जिनियर ठाकुर पक्राउ     प्रदेश २ मा प्रदेश प्रहरी भर्ना गर्न ऐन स्वीकृत     संरक्षित र स्वायत्त क्षेत्रको सीमा र संख्या निर्धारण गर्ने बाटो देखाउन सरकारलाई त्रिपाठीको चुनौती   
विचार/विश्लेषण

कांग्रेस निभ्ने बेलाको बत्तिजस्तैः ज्ञवाली



विचार/विश्लेषण   7 पटक पढिएको        

काठमाडौं, कार्तिक १२ नेकपा एमालेका सचिव प्रदीप ज्ञवालीले वाम गठबन्धनका कारण कांग्रेस हतास मानसिकतामा पुगिसकेको बताएका छन्। आइतबार एमाले र माओवादी केन्द्रका सम्पर्क मञ्चहरुको संयुक्त भेलालाई सम्बोधन गर्दै सचिव ज्ञवालीले कांग्रेस कम्युनिस्टहरुले अधिनायकवाद ल्याउन खोजे भन्दै हौवा पिटाइरहेको आरोप लगाए।

कांग्रेस निभ्ने बेलाको बत्तिजस्तैः ज्ञवाली


 उनले कांग्रेस निभ्न लागेको बत्तिजस्तै भएको भन्दै वाम जनमत भत्काउन लागिपरेको बताए।

वाम गठबन्धनपछि आम जनतामा नयाँ खालेको तरङ्ग पैदा भएको र गठबन्धनका पक्षमा जनमत देखिएपछि अधिनायकवादको हल्ला फैलाएर जनमत विगार्न लागेको आरोप लगाए।

परिवर्तन र रुपान्तरणको आन्दोलनमा सबैभन्दा बढी बलिदानी कम्युनिस्टहरुले गरेको र सरकारमा रहँदा पनि राम्रो काम कम्युनिस्टले नै गरेको दावी गरे। उनले भने, ‘कम्युनिस्टहरु लामो समय सरकारमा रहन पाएनन्, छोटो समय रहे पनि जनतामा छाप छोड्ने काम गरेका छन्।’

सचिव ज्ञवालीले वाम एकताको प्रक्रिया निकै अगाडि बढीसकेको भन्दै एकताबाट भाग्ने छुट कसैलाई पनि नभएको बताए। वाम एकता सत्ता प्राप्तिका लागि नभएर देश र जनताको संमृद्धिका लागि भएका कारण सबैले यसलाई इमान्दारितापूर्वक पालना गर्नुपर्ने बताए।

उनले मतपत्र फरक फरक भएपनि चुनाव हुन नदिनका लागि बदमासी गरिएको आरोप लगाए। ‘दुईवटा मतपत्रमा ४ फरक फरक खण्ड छन, यस्ता बदमास प्रश्नहरुमा अल्झेर चुनाव भाँड्ने षड्यन्त्र हुँदै छ’, उनले भने।

एमाले र माओवादीका बीचमा पहिले केही तिक्तताहरु रहेपनि अबका दिनमा त्यसलाई हटाएर अगाडि बढ्नुपर्ने उनको धारणा थियो।

एमाले सचिव गोकर्ण विष्टले जनताको आर्थिक समृद्धि र सवल राष्ट्र निर्माणका लागि वाम एकता भएको बताए । नेपाली कम्युनिष्ट विभाजीत गरेर जनतालाई सँधै गरीब राख्ने एउटा वर्ग क्रियाशील रहेकोले गरिबी र बेरोजगारी अन्त्यका लागि कम्युनिष्ट एकता अनिवार्य भएको बताए।

‘खान लगाउन नपाएका जनताको नेतृत्व जबसम्म कम्युनिष्टले गर्दैनन् तवसम्म देशको आर्थिक समृद्धि हुँदैन’, उनले भने।

माओवादी केन्द्रका नेता दिनेश पन्थीले आर्थिक समृद्धिकै लागि वाम गठबन्धन अपरिहार्य भएको बताए। उनले नयाँ जनवादी क्रान्तिका धेरै कार्यभार आफ्नै ढँगले पूरा हुँदै गएको र अहिले जनवादी क्रान्तिका कामहरु पूरा गर्न बाम एकता भएको बताए । ‘अहिले किसान मजदुरको नेतृत्वमा जनवादी व्यवस्था नआए पनि समाजवादी आन्दोलनबाट पूँजीवादी क्रान्ति पूरा गर्न यो एकता हो’ उनले भने।

नेपालमा जति एकताको कुरा गर्दै गयो त्यति कम्युनिष्ट आन्दोलन विभाजन हुँदै गएको अवस्थामा एमाले माओवादीले जनवादी क्रान्तिका बाँकी कार्यभार पूरा गर्न ईमान्दारीता साथ अगाडि बढ्नुपर्ने बताए।

माओवादीका अर्का नेता सुदर्शन बरालले वाम एकता देश विकासको सूत्र भएको बताए । उनले यो कुनै पार्टीमा विलय नभई समाजवादी क्रान्तिको मोडल भएको बताए। ‘यो न कुनै माओवादीको एमालेमा विलय हो न एमालेको माओवादीमा, यो त समाजवादी क्रान्तिको मोडल हो’, उनले भने।

 










सम्बन्धित शिर्षक समाचारहरु


रौतहट अनलाईन टिभी
सम्पर्क
Rautahat Media Pvt. Ltd.
Gaur - 8, Rautahat, Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

2272433 times visited !

Praveen Kumar Sharma, Exeuctive, 9801023044
Rautahat Media Pvt. Ltd. © All Rights Reserved. 2018
Powered by: ExNet  
Top