३२ जिल्लामा उम्मेदवारी दर्ता हुँदै /* - - - Script for Auto Navigation - - - */

३२ जिल्लामा उम्मेदवारी दर्ता हुँदै

काठमाडौं, कार्तिक ५


मंसिर १० गते हुने प्रतिनिधि सभा र प्रदेश सभा सदस्य निर्वाचनका लागि आइतबार १० बजेबाट उम्मेदवारी दर्ता हुँदैछ। पहिलो चरणमा ३२ जिल्लामा प्रतिनिधि सभा सदस्यतर्फ ३७ निर्वाचन क्षेत्र र प्रदेश सभातर्फ ७४ वटा निर्वाचन क्षेत्रमा हुने निर्वाचनका लागि आज मनोनयन दर्ता हुन लागेको हो।

उम्मेदवारी दर्ताका लागि उम्मदवारहरू सम्बन्धित जिल्ला र क्षेत्रमा पुगिसकेका छन्। बिहान १० बजेदेखि अपराहृन ५ बजेम्म उम्मेदवारी दर्ताको समय तोकिएको निर्वाचन आयोगले जनाएको छ।

आयोगका अनुसार उम्मेदवारहरूले जिल्ला सदरमुकाममा खोलिएका मुख्य निर्वाचन अधिकृत तथा निर्वाचन अधिकृतको कार्यालयमा गई मनोनयनपत्र दर्ता गराउनु पर्नेछ।

पहिलो चरणमा निर्वाचन हुने जिल्ला
पहिलो चरणमा सोलुखुम्बु, संखुवासभा, भोजपुर, ओलखढुंगा, ताप्लेजुङ, पाँचथर, खोटाङ, नुवाकोट, रसुवा, धादिङ, सिन्धुपाल्चोक, दोलखा, रामेछाप, मुस्ताङ, म्याग्दी, बाग्लुङ, मनाङ, लमजुङ र गोरखामा चुनाव हुँदैछ ।

यसैगरी पूर्वी रुकुम, रोल्पा, पश्चिम रुकुम, जाजरकोट, हुम्ला, मुगु, जुम्ला, कालिकोट, डोल्पा, दार्चुला, बझाङ, बाजुरा र वैतडी जिल्लामा पनि पहिलो चरणमा निर्वाचन हुँदैछ।

पहिलो चरणको निर्वाचनमा ३२ लाख २८ हजार ८७९ मतदाता रहेको आयोगले जनाएको छ। निर्वाचनका लागि चार हजार ४६५ मतदान स्थल र दुई हजार ९४६ मतदान केन्द्र कायम गरिएको छ।



कमेन्टस



सम्बन्धित तस्विरहरु






Rautahat Media Pvt. Ltd.

Rautahat Online

Gaur - 8, Rautahat
Nepal
Tel : 0977-55-521595
URL: http://www.rautahatonline.com, Skype : khgsindhuli

Email: rautahatonline@gmail.com

1718943 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top