रौतहट जिल्ला कै पहिलो अनलाईन पत्रिका "रौतहट अनलाईन"
logo
 ४० हजार घुससहित शिक्षा समन्वय अधिकारी साह पक्राउ     कम्प्युटर हस्तान्तरण तथा कम्प्युटर कक्षाको उदघाटन कार्यक्रम सम्पन्न      १२ किलो गाँजा सहित दुइ पक्राउ     सम्झना दासलाई श्रद्धाञ्जली अर्पण गर्दै दिप प्रज्वलन     नेपाल कम्युनिष्ट पार्टीको प्रदेश नं 2 को अध्यक्षमा विकास पुरूष विकाश प्रेमी माननीय प्रभु साह      पाँच वर्षमा १८ सय कम्पनी खारेज     सरकार र आन्दोलनरत सवारी चालकबीच आठ बुँदे सहमति, आन्दोलनका कार्यक्रम फिर्ता     मन्त्री मगरको निर्देशनमा ७५ वटै जिल्लाका सयौं अस्पताल र उद्योगमा आकस्मिक अनुगमन      संघीय निजामती ऐनको मस्यौदामा थप छलफल गरिने      संसद खड्का बिकास तथा प्रबिधी समितीको सभापती     अख्तियारद्वारा १ लाख घुस रकम सहित रंगेहात महानगरपालिका शिक्षा फाँटका २ अधिकृत सहित ३ पक्राउ   
राजनिति

८० भन्दा बढी सिट गठबन्धनका दललाई दिन कांग्रेसको गृहकार्य



राजनिति   5 पटक पढिएको        

काठमाडौं, असोज २२ नेपाली कांग्रेसले प्रतिनिधि सभा निर्वाचनको प्रत्यक्षतर्फको १६५ सिटमध्ये ८० भन्दा बढी सिट लोकतान्त्रिक गठबन्धनमा आबद्ध दलहरुलाई दिने तयारी गरेको छ। मंसिर १० र २१ मा हुने प्रदेश र प्रतिनिधि सभा निर्वाचनमा नेकपा एमाले, माओवादी केन्द्र र नयाँ शक्ति नेपाल वाम गठबन्धन बनाएर चुनावमा जाने भएपछि कांग्रेसले लोकतान्त्रिक गठबन्धन बनाएर चुनावमा जाने निष्कर्षमा पुगेको हो।

८० भन्दा बढी सिट गठबन्धनका दललाई दिन कांग्रेसको गृहकार्य


गठबन्धनका ५ दललाई ८० भन्दा बढी सिट दिने कांग्रेसको प्रस्तावमा गठबन्धनमा रहेका संघीय समाजवादी फोरम, राजपा नेपाल, नेपाल लोकतान्त्रिक फोरम, राप्रपा र राप्रपा प्रजातान्त्रिक सकारात्मक छन्। संघीय समाजवादी फोरम र राजपा नेपाललाई मात्र ४५ भन्दा बढी सिट दिने प्रस्ताव कांग्रेसले अघि सारेको छ। यस्तै, गठबन्धनमा रहेको नेपाल लोकतान्त्रिक फोरम र राप्रपा १५–१५ तथा राप्रपा प्रजातान्त्रिक १० बढी सिट दिन सकिने प्रस्ताव कार्यदल तथा शीर्ष नेताहरुको बैठकमा कांग्रेसले प्रस्ताव गरेको छ।

लोकतान्त्रिक गठबन्धन बनाएर अघि बढ्दा वाम गठबन्धनलाई कडा चुनौती दिन सकिने निष्कर्षमा कांग्रेस पुगेको छ। कांग्रेसका एक नेताले दोस्रो संविधान सभा निर्वाचन र स्थानीय तह निर्वाचनको परिणामलाई मध्यनजर गरेर निर्वाचन क्षेत्रको बाँडफाँड गरिनेछ। यसरी क्षेत्र बाँडफाँड र सिट संख्या निर्धारण गर्दा दोस्रो संविधान सभा र स्थानीय तह निर्वाचनमा जित हासिल गरेका क्षेत्रमा राजपा र फोरम नेपालका उम्मेदवारलाई नै टिकट दिइनेछ। यी दुई दलले स्थानीय तह निर्वाचनमा दुई नम्बर प्रदेशमा आफूहरुले जितेका क्षेत्र आफैलाई दिनु पर्ने माग पनि गरिरहेका छन्। यो विषयमा कांग्रेस सकारात्मक रहेको कार्यदलका एक सदस्यले जानकारी दिए।

संघीय समाजवादी र राजपा दुई दलबीच अधिकतम ठाउँमा चुनावी गठबन्धन गर्ने सहमति भइसकेको छ। त्यसैले पनि यी दुई दलले कांग्रेस नेतृत्वको लोकतान्त्रिक गठबन्धनमा सहभागी हुन आफूहरुलाई सम्मानजनक स्थान दिनु पर्ने बताउँदै आएका छन्।

गठबन्धनका दलसँग बेग्लाबेग्लै बसेर प्रधानमन्त्रीले सिट संख्या टुंग्याउने
प्रधानमन्त्री एवं कांग्रेस सभापति शेरबहादुर देउवाले लोकतान्त्रिक गठबन्धनमा आबद्ध दलका शीर्ष नेताहरुसँग छुट्टा छुट्टै छलफल गरेर सिट संख्याको विषय टुंगो लगाउने भएका छन्।

सिट संख्याको विषयलाई टुंगो लगाउने प्रयासस्वरुप प्रधानमन्त्री देउवाले आइतबार गठबन्धनमा आबद्ध दलका शीर्ष नेताहरुसँग छलफल गर्दैछन्। प्रधानमन्त्री देउवा र गठबन्धनमा आबद्ध दलका शीर्ष नेताबीचको बैठकले सिट संख्या टुंगो लगाएपछि कार्यदलले जिल्ला र निर्वाचन क्षेत्र बाँडफाँडको कामलाई अघि बढाउने छ।

के हुँदैछ लोकतान्त्रिक गठबन्धनको कार्यदल बैठकमा?
लोकतान्त्रिक गठबन्धन बनाएर चुनावमा जाने सहमत भएका कांग्रेससहित ६ दलले सिट संख्या, निर्वाचन क्षेत्र बाँडफाँड, साझा चुनावी एजेन्डा बनाउन कांग्रेस नेता विमलेन्द्र निधि संयोजक रहेको कार्यदलले काम गरिरहेको छ। छलफललाई बाक्लो बनाएको कार्यदल बैठकमा शनिबार साँझ पनि सिट संख्या, क्षेत्र बाँडफाँडलगायतका विषयमा छलफल भएको थियो।

उक्त छलफलमा लोकतान्त्रिक गठबन्धन बनाएर जानेमा ६ दलकै नेताहरु एकमत भएको कांग्रेस केन्द्रीय सदस्य एवं कार्यदल सदस्य डा. मिनेन्द्र रिजालले बताए। ‘छलफल सकारात्मकरुपमा अघि बढेको छ। सैद्धान्तिकरुपमा हामी लोकतान्त्रिक गठबन्धन बनाएर जाने कुरामा सबै सहमत भएका छौं’ उनले भने,‘एक दुई दिनभित्रैमा टुंगोमा पुग्छौं।’

कार्यदलका सदस्य एवं नेपाल लोकतान्त्रिक फोरमका नेता रामजनम चौधरीले कार्यदलले सिट संख्या, निर्वाचन क्षेत्र बाँडफाँड लगायतका विषयमा ड्राफ्ट तयार गरेपछि शीर्ष तहमा पनि छलफल हुने बताए। ‘गठबन्धनमा आबद्ध दलहरुले आआफ्ना प्रस्ताव राखेपछि सिट संख्यालाई टुंयाउनेबारे छलफल अघि बढ्छ,’ चौधरीले भने। उनले प्रधानमन्त्री देउवा र गठबन्धन दलका शीर्ष नेताहरुबीच सिट संख्या बाँडफाँडबारे कुरा मिलेपछि निर्वाचन क्षेत्र बाँडफाँडको पनि टुंगो लाग्ने बताए।

चौधरीले कार्यदलले सबै विषयलाई समेटेर ड्राफ्ट तयार पारेपछि ६ दलका शीर्ष नेताहरुबीच पनि छलफल हुने बताए। उनले चुनावी तालमेल गरेर अघि बढ्ने विषयमा सबै सहमत भएकाले छिट्टै सिट संख्या र क्षेत्र बाँडफाँडको टुंगो लाग्ने बताए।

कुन दलको कति सिटमा दाबी?
लोकतान्त्रिक गठबन्धनमा आबद्ध दलमध्ये संघीय समाजवादी फोरम नेपाल र राजपा नेपालबीच चुनावमा तालमेल गर्ने सहमतिमा हस्ताक्षर भइसकेको छ। त्यसैले यी दुई दलले सामूहिकरुपमा गठबन्धनको नेतृत्वकर्ता दल कांग्रेससँग ५० बढी सिटको दाबी गरिरहेका छन्। संघीय समाजवादी र राजपाले छुट्टाछुट्टै नभई प्रतिनिधि सभाको १६५ मध्ये ५० भन्दा बढी सिट आफूले पाउने सामूहिक दाबी कांग्रेस समक्ष पेश गरेका छन्। यस्तै, राप्रपा, राप्रपा प्रजातान्त्रिक र नेपाल लोकतान्त्रिक फोरमले २०–२० सिटमा दाबी गरेका छन्।

संघीय समाजवादी र राजपालाई ५० हाराहारी सिट दिने विषयमा कांग्रेस सकारात्मक देखिएपनि राप्रपा, राप्रपा प्रजातान्त्रिक र लोकतान्त्रिक फोरमलाई भने २०–२० सिट दिन नसकिने बताएको छ। कांग्रेसले लोकतान्त्रिक फोरमलाई बढीमा १५, राप्रपा प्रजातान्त्रिकलाई पनि १५ आसपास र राप्रपालाई बढीमा १२ सिट प्रत्यक्षतर्फ दिन सकिने प्रस्ताव अघि सारेको छ।

कांग्रेसले १६५ मध्ये ८० देखि ८५ सिट खर्चेर भएपनि पाँचै दललाई लोकतान्त्रिक गठबन्धनमै राख्ने प्रयास गरिरहेको छ। कांग्रेसले डा. प्रकाशचन्द्र लोहनीले नेतृत्वको गरेको राप्रपा प्रजातान्त्रिक राष्ट्रवादीसहित अन्य साना दललाई पनि गठबन्धनमा ल्याउने प्रयास गरिरहेको छ।

चित्रबहादुर केसी नेतृत्वको राष्ट्रिय जनमोर्चालाई पनि गठबन्धनमा ल्याउने प्रयासमा प्रधानमन्त्री देउवा लागेका छन्। प्रधानमन्त्री देउवाले अध्यक्ष केसीसँगको गुल्मी, अर्घाखाँची, बागलुङ, प्यूठान लगायतका जिल्लामा चुनावी तालमेलको प्रस्ताव राखेका थिए। तर, जनमोर्चाले भने तालमेलबारे कुनै निर्णय गरिसकेको छ।










सम्बन्धित शिर्षक समाचारहरु

नेपाल कम्युनिष्ट पार्टीको प्रदेश नं 2 को अध्यक्षमा विकास पुरूष विकाश प्रेमी माननीय प्रभु साह

संसद खड्का बिकास तथा प्रबिधी समितीको सभापती

विधार्थी फोरम नेपालको जिल्ला अधिवेशन भव्यताका साथ् सम्पन्न

गरुडा नगरपालिकाका निमित्त प्रमुख प्रशासकिय अधिकृत देबकोटाको भब्य बिदाई

प्रमुख जिल्ला अधिकारि बिरुद्ध मुद्दा हाल्ने तयारीमा कानुन मन्त्री यादव

डुङ्गा पल्टिएर बेपत्ताका परिवारलाईसांसद झा द्वारा १० लाख क्षतिपूर्ति माग

पूर्व सांसद आलमको निधनप्रति राष्ट्रियसभाद्वारा शोक प्रस्ताव पारित

डा.केसीको जीवनरक्षाको विषयमा पहल गर्न राजपालार्इ पत्र

प्रदेश २ का मुख्यमन्त्री लालबाबु राउतलाई मातृशोक

  • ४० हजार घुससहित शिक्षा समन्वय अधिकारी साह पक्राउ

    २५ असोज, वीरगञ्ज । वीरगञ्जबाट शिक्षा विकास तथा समन्वय इकाइ पर्साका प्रमुख जिल्ला शिक्षा समन्वय अधिकारी लालबाबु प्रसाद साह घुस रकमसहित पक्राउ परेका छन् । अख्तियार दुरुपयोग
    समाज
    407    
  • कम्प्युटर हस्तान्तरण तथा कम्प्युटर कक्षाको उदघाटन कार्यक्रम सम्पन्न

    राम विश्वास मुखिया / रौतहटको राजदेवी नगरपालिका वडा न ९ ब्रहम्पुरीमा रहेको माध्यमिक विद्यालय ब्रहम्पुरीमा एक कार्यक्रमका बीच कम्प्युटर कक्षाको उदघाटन कार्यक्रम सम्पन्न भएको छ । विद्यालयमा प्राप्त २० ओटा कम्प्युटर हस्तान्तरण तथा कम्प्युटर कक्षाको उदघाटन कार्यक्रम सम्पन्न भएको छ । विश्व शिक्षाको
    समाज
    32    


रौतहट अनलाईन टिभी
सम्पर्क
Rautahat Media Pvt. Ltd.
Gaur - 8, Rautahat, Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

2366645 times visited !

Praveen Kumar Sharma, Exeuctive, 9801023044
Rautahat Media Pvt. Ltd. © All Rights Reserved. 2018
Powered by: ExNet  
Top