वीरगञ्जको मेयरमा संघीय समाजवादी फोरम विजय /* - - - Script for Auto Navigation - - - */

वीरगञ्जको मेयरमा संघीय समाजवादी फोरम विजय

असोज ११


देशकै कान्छो महानगरपालिका वीरगञ्जको मेयरमा संघीय समाजवादी फोरमका विजय सरावगी विजयी भएका छन्। सरावगी १९३९३ मतसहित वीरगञ्जको पहिलो मेयर बन्न सफल भएका हुन्।


उनका निकटतम प्रतिद्वन्द्वी नेपाली कांग्रेसका अजय द्विवेदीले १७१९७ मत ल्याए। कांग्रेस र समाजवादी फोरमबीच तीव्र टक्कर रहेको वीरगञ्जमा सरावगी २१९६ मतको अन्तरले विजयी भएका हुन्।

त्यसैगरी वीरगञ्ज महानगरपालिकाको उपमेयरमा नेपाली काँग्रेसकी ८७ वर्षीया शान्ति कार्की विजयी भएकी छन्। कार्कीले १९६०८ मत ल्याएकी छन्। उनी मतगणनाको सुरुवातदेखि नै अग्रस्थानमा थिइन्।

सरावगीको विजय सुनिश्चित भएदेखि नै समाजवादी फोरमका नेताकार्यकर्ताले खुसियाली मनाउन सुरु गरेका थिए।

वीरगञ्जका ३२ वडामध्ये संघीय समाजवादी फोरमले १२, कांग्रेसले १०, एमालेले ५, राजपाले ३, माओवादीले १ र लोकतान्त्रिक फोरमले १ वडामा विजय हात पारेका छन्।

वीरगञ्जका प्रतिष्ठित उद्योगपति सरावगी छ महिनाअघि मात्र समाजवादी फोरममा प्रवेश गरेका थिए। पार्टीमा उनलाई प्रदेश कोषाध्यक्षको जिम्मेवारी दिइएको थियो। त्यसअघि उनी प्रत्यक्ष राजनीतिमा नभए पनि कांग्रेसनिकट मानिन्थे।

बेरोजगारी अन्त्य, बाटो, बिजुली, बैंकजस्ता सुविधा उपलब्ध गराउने वाचा गरेर निर्वाचनमा होमिएका उद्योगी सरावगीलाई वीरगञ्जका मतदाताले पत्याएका छन्। कडा प्रतिस्पर्धा रहेको वीरगञ्जमा विजयको चुनौती उनले पार लगाएका छन्। सँगसँगै आफूले गरेका वाचा पूरा गर्ने र देशकै लाइफलाइन मानिने वीरगञ्जको मुहार फेर्ने चुनौती पनि उनका सामु उभिएको छ।



कमेन्टस



सम्बन्धित तस्विरहरु







Rautahat Media Pvt. Ltd.

Rautahat Online

Gaur - 8, Rautahat
Nepal
Tel : 0977-55-521595
URL: http://www.rautahatonline.com, Skype : khgsindhuli

Email: rautahatonline@gmail.com

1643164 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top