भारत–नेपाल रक्षा समझदारी निकै महत्वपूर्ण छ: मोदी /* - - - Script for Auto Navigation - - - */

भारत–नेपाल रक्षा समझदारी निकै महत्वपूर्ण छ: मोदी

नयाँ दिल्ली, भदौ ८


भारतीय प्रधानमन्त्री नरेन्द्र मोदीले नेपाल र भारतको सुरक्षासम्बन्धी आपसी समझदारी निकै महत्वपूर्ण भएको बताएका छन्। हैदरावाद हाउसमा संयुक्त पत्रकार सम्मेलनमा बोल्दै मोदीले नेपाल र भारतबीचको सुरक्षा हित आपसमा निर्भर रहेको बताएका हुन्।


भारत र नेपालको रक्षा हित आपसमा निर्भर रहेको बताए पनि मोदीले जारी दोक्लम विवादबारे औपाचारिक रुपमा केही बताएनन्।

मोदीले दुवै देशको नियति एकआपसमा जोडिएको उल्लेख गर्दै नेपालको शान्ति र समृद्धिको साझेदार बन्न पाएकोमा खुसी व्यक्त गरे। 

मोदीले स्थानीय चुनाव सफल भएकोमा पनि नेपाललाई बधाइ दिए। तर नेपालका सबै वर्गको मागलाई समेटेर अघि बढ्ने विश्वास पनि उनले व्यक्त गरे।

नेपाललाई सबै क्षेत्रमा भारतको निरन्तर सहयोगको प्रतिबद्धता व्यक्त गर्दै मोदीले अरुण तेस्रो जलविद्युत आयोजनाको शिलन्यासमा आफूलाई निमन्त्रणा दिएकोमा पनि देउवालाई धन्यवाद दिए।

उनले पञ्चेश्वरलगायतका योजनालाई तीव्रता दिन हरसम्भव कोशिस गर्ने प्रतिबद्धता पनि जनाए।

यसअघि देउवा र मोदीबीच हैदरावाद हाउसमै ‘वान टु वान’ वार्ता भएको थियो। दुई नेताबीचको एक्लाएक्लै वार्तापछि परराष्ट्रमन्त्री, राजदूतसहितको प्रतिनिधिमण्डलबीच वार्ता भएको थियो।



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

1787579 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top