रौतहट जिल्ला कै पहिलो अनलाईन पत्रिका "रौतहट अनलाईन"
logo
 मधुकुमार थापा भए प्रदेश तीनको उत्कृष्ट प्रहरी     प्रेममा छिन् सरस्वती प्रतीक्षा     मेलम्ची खानेपानी आयोजनाको बाँकी काम ‘सिएमसी’ बाटै गराउनुपर्छ : खानेपानी मन्त्री मगर     ‘घाम जुन चाहिदैन’ भन्दै रोमान्टिक बने प्रदिप र जसिता     प्रचण्डकी नातिनी र सशस्त्रका आईजीपी खनालको छोराले ल्याए भ्यालेन्टाइन स्पेशल गीत      बैंकको ब्याज नघटे १५ दिनभित्र आन्दोलनमा उत्रिने नेपाल उद्योग वाणिज्य महासंघको चेतावनी     रौतहट प्रहरी उपरिक्षकमा भुपेन्द्र खत्री      प्रेम दिवसमा जुनुको ‘धक धक…      नेकपाका कारण नगरसभा हुनसकेन - नगर प्रमुख यादव     महिला सश्स्क्तीकरण आफ्नो प्रमुख प्राथमिकता - नगर उप प्रमुख ठाकुर      हिउँदे वर्षाले रौतहटमा ५० करोड रुपैयाँको इँटा नष्ट-अध्यक्ष साह   
अर्थ

पाँच वर्षमा १८ सय कम्पनी खारेज



अर्थ   30 पटक पढिएको        

काठमाडौं /०५,असोज/ सरकारले चुक्ता पुँजीको ०.५ प्रतिशत रकम बुझाएर खारेजीमा जान सक्ने व्यवस्था गरेपछि चल्न नसकेका कम्पनीहरू स्वेच्छिक खारेजीमा जानेक्रम बढेको छ । कम्पनी रजिस्ट्रारको कार्यालयका अनुसार अघिल्लो वर्षको तुलनामा आर्थिक वर्ष ०७४/०७५ मा खारेजीमा जाने कम्पनीको सङ्ख्या बढेर ५ सय ३० पुगेको छ ।

पाँच वर्षमा १८ सय कम्पनी खारेज

 ०७३÷०७४ मा यस्तो सङ्ख्या ४ सय रहेको थियो ।

विगत पाँच वर्षमा सबैभन्दा बढी आर्थिक वर्ष २०७४/०७५ मा २२ हजार २ सय ६३ वटा कम्पनी दर्ता भएका थिए । सो वर्ष ५ सय कम्पनी खारेजीमा गए । कम्पनी रजिस्ट्रार भुवनहरि अर्यालले खारेजीमा जान चाहने कम्पनीहरूलाई सहज बनाएकाले पनि खारेजीमा जानेको सङ्ख्या बढेको बताए । अर्कोतर्फ धेरै जसो बैङ्क तथा वित्तीय संस्था मर्जमा गएपछि मर्जमा जानेले आफ्नो पुरानो नामको कम्पनी खारेजीमा लगेको उनले भने ।
सन् २००० माघ ६ गते कम्पनी रजिस्ट्रारको कार्यालयमा वीरगञ्ज कटन मिल दर्ता भएको थियो । त्यसयता १ लाख ९८ हजार ९ सय ८७ कम्पनी दर्ता भएको कम्पनी रजिस्ट्रारको कार्यालयले जनाएको छ । दर्ता भएका कतिपय कम्पनीहरू सञ्चालनमा आउन सकेको छैनन् । कम्पनी रजिस्ट्रार कार्यालयमा अनलाइन सिस्टम प्रयोगमा आएपछि १८ सय ५९ कम्पनी खारेजमा गएको अनलाइन सिस्टमका रेकर्ड छ । अनलाइनमा कम्पनी दर्ता र खारेजको विवरण राख्न २०७० कात्तिक ३ गतेबाट सुरु गरिएको हो । त्यसअघि खारेजमा गएका कम्पनीको रेकर्ड अझैसम्म कम्प्युटराइज नगरिएकाले हालसम्म कति कम्पनी खारेजीमा गए एकिन विवरण कम्पनी रजिस्ट्रारको कार्यालयसँग छैन ।

चालु आर्थिक वर्षको २ महिना ४ दिनमा ४२ वटा कम्पनी खारेजीमा गइसकेका छन् । यस अवधिमा दर्ता भएको कम्पनीको सङ्ख्या ५ हजार ८ सय ३ वटा पुगिसकेको छ ।

कम्पनी ऐन २०६३ को पहिलो संशोधनअनुसार कुनै पनि कम्पनी खारेजीमा जान चाहेमा कम्पनीका संस्थापकले कम्पनीको कारोबार सुरु गर्न नसकेका कारण देखाएर कम्पनीको दर्ता खारेजका लागि कम्पनी

रजिस्ट्रारको कार्यालयमा निवेदन दिनुपर्नेछ । कुनै पनि कम्पनी खारेजीमा जान चाहेमा सम्बन्धित कम्पनीको सञ्चालक समितिबाट पारित भएर प्रक्रिया पुर्याएर आए सहजै खारेजीमा जान सक्ने व्यवस्था छ ।

उद्योग व्यवसाय सञ्चालन गर्न चाहने व्यक्तिले कम्पनी ऐनअनुसार प्राइभेट कम्पनी, पब्लिक कम्पनी, मुनाफा वितरण नगर्ने कम्पनीको रूपमा स्थापना गर्न सक्नेछन् ।









सम्बन्धित शिर्षक समाचारहरु
  • मधुकुमार थापा भए प्रदेश तीनको उत्कृष्ट प्रहरी

    हेटौँडा/३, फागुन / जिल्ला प्रहरी कार्यालय मकवानपुरमा कार्यरत मधुकुमार थापा प्रदेश नंबर ३ को उत्कृष्ट प्रहरी घोषित भएका छन् ।
    बिशेष
    7     रौतहट अनलाईन
  • प्रेममा छिन् सरस्वती प्रतीक्षा

    काठमाडौं/०२,फाल्गुन/ एसएलसी दिँदा सरस्वती प्रतीक्षा १४ वर्षकी थिइन् । पहिलो प्रेम प्रस्ताव ११ वर्षकै उमेरमा पाइन् । त्यतिवेला सात कक्षामा पढ्थिन् । प्रेम भनेको के हो भन्ने नै थाहा थिएन ।
    विचार/विश्लेषण
    23     रौतहट अनलाईन


रौतहट अनलाईन टिभी
सम्पर्क
Rautahat Media Pvt. Ltd.
Gaur - 8, Rautahat, Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

2507830 times visited !

Praveen Kumar Sharma, Exeuctive, 9801023044
Rautahat Media Pvt. Ltd. © All Rights Reserved. 2018
Powered by: ExNet  
Top