चितवन पुगेर देउवाले भने, ‘सरकारले अधिनायकवाद शुरु गरिसक्यो’ /* - - - Script for Auto Navigation - - - */

चितवन पुगेर देउवाले भने, ‘सरकारले अधिनायकवाद शुरु गरिसक्यो’

चितवन बैशाख ३


पूर्वप्रधानमन्त्री एवं नेपाली कांग्रेसका सभापति शेरबहादुर देउवाले सरकारले देशको नभइ अधिनायकवादको विकास गर्न थालेको आरोप लगाएका छन्।


शेरबहादुर देउवा

सोमबार भरतपुर विमानस्थलमा पत्रकारसँग कुरा गर्दै सभापति देउवाले सरकारले अधिनायकवाद शुरु गरिसकेको आरोप लगाए।

‘सरकारले हरेक कुरामा एकलौटी गर्न खोजेको छ यसबाट के देखिन्छ भने अधिनायकवाद शुरु भइसक्यो, सरकारको मनोमानी बढ्यो’, उनले भने, ‘यस्तै पाराले अगाडि बढेमा सरकारले देशको होइन अधिनायकवादको विकास गर्छ।’

सरकार विरुद्ध कडा रुपमा प्रस्तुत भएको सभापति देउवाले सरकार प्रतिपक्षसँग सल्लाह नै नगरी अगाडि बढेको आरोप लगाए। कांग्रेस जिम्मेवार प्रतिपक्षमा रहेको भन्दै उनले सरकारको सकरात्मक कामको समर्थन र गलत कामको विरोध गर्ने बताए।

सरकाले के गर्छ भन्ने कुरा हनिमुन अगाडि नै थाहा पाइसकिएको भन्दै उनले सरकारका सय दिनपछि कांग्रेस कडा रुपमा प्रस्तुत हुने बताए। यो सरकारले काम होइन कुरा मात्रै गर्ने भन्दै उनले, ‘सरकारले काम होइन कुरा मात्रै गरेको छ, यसरी देशको विकास हुन सक्दैन।’

कांग्रेसको पराजयबारे पत्रकारले सोधको प्रश्नमा सभापति देउवाले पराजयले कांग्रेस कमजोर बनेको भन्ने कुरा गलत भएको दावी गरे। ‘कांग्रेस निर्वाचनमा पराजय भएको छ’, उनले भने, ‘तर कांग्रेस कमजोर बनेको छैन, प्रजातन्त्रका लागि लड्ने पार्टी कहिल्यै कमजोर बन्दैन।’



कमेन्टस



सम्बन्धित तस्विरहरु







Rautahat Media Pvt. Ltd.

Gaur - 8, Rautahat
Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

Editor: Praveen Kumar Sharma
Cell: 9801023044

2110258 times visited !
संचालन तथा प्रायोजनको हक सर्बाधिकार © रौतहट अनलाईन २०७३ मा सुरक्षित रहनेछ ।
Top