निर्मला पन्त हत्याको बिरोध गर्दै रौतहटमा राजदेवी मिडिया सेन्टर द्वारा प्रदर्शन

रौतहट/१४ भदौ / कञ्चनपुरकी निर्मला पन्तको बलात्कारपछि हत्या भएको विरोधमा रौतहटमाराजदेवी मिडिया सेन्टरको आयोजनामा प्रर्दशन भएको छ ।

देशभरी नै महिला हिंसा तथा बलात्कारको घटना बढेको भन्दै राजदेवी मिडिया सेन्टर संगै विभिन्न संघसंस्थाहरुले बिहीबार गौरमा प्रर्दशन गरेका हुन् ।
कञ्चनपुरलगायत देशका विभिन्न भागका बालबालिकाहरु एकपछि अर्को हिंसामा परेको भन्दै रौतहटको गौरमा र्‍यालीसहित प्रदर्शन गरेका थिए ।

गौरको विपी चोकबाट सुरु भएको र्‍यालीले विभिन्न भागको परिक्रमा गर्दै जिल्ला प्रशासन कार्यालय पुगेको थियो ।

राजदेवी मिडिया सेन्टर द्वारा आयोजित सो कार्यक्रममा गौर नगरपालिकाकी उपमेयर किरण ठाकुरको सक्रिय सहभागिता रहेको थियो  ।

महिला हिंसा गर्नेहरुलाई सामाजिक बहिष्कार गर्नु पर्ने तथा बलात्कारीलाई देश निकाला गर्नु पर्ने माग प्रदर्शनका क्रममा सहभागीहरुले गरेका थिए ।