रौतहट जिल्ला कै पहिलो अनलाईन पत्रिका "रौतहट अनलाईन"
logo
 पराेहा नगरपालिकाकाे तेस्रो नगर सभा सम्पन्न      देवाही गोनाही नगरपालिकाको तेश्रो नगरसभा सम्पन्न     युवा निमित प्रमुख प्रशासकीय अधिकृत मोहम्मद समसाद आलमको सक्रियतामा यमुनामाई गाउँपालिकाको तेश्रो गाउँ सभा भव्यता साथ् सम्पन्न     माधव नारायण नगरपालिकाको तेस्रो नगर सभा सम्पन्न      प्रमुख प्रशासकीय अधिकृत पन्थीको सक्रियताले गरुडा नगरपालिकाको तेस्रो नगर सभा सम्पन्न      गौर नगरपालिकाको बजेट ४५ करोड़, सामाजिक विकासमा बढ़ी जोड़     रौतहटको गौर र गरुडा नगरपालिकाको नगर सभा आज      प्रदेश सांसद शेख फूलबाबुको मनपरी      गैरसरकारी संघ संस्थालाई प्रदेश २ मा आएर काम गर्न मन्त्री ज्ञानेन्द्र यादवको आह्वान     अब्दुल कलाम आजादले राजमार्ग खनेपछि विवाद उत्पन्न     कागजमा काम गर्न नपाए पछि देवाही गोनाहीका उपमेयर आक्रोसित    
राजनिति

आफ्नै कार्य सञ्चालन विधि पारित गर्दै राष्ट्रियसभा



राजनिति   1 पटक पढिएको      २०७५ जेष्ठ २७ आइतवार  

राष्ट्रियसभा कार्य सञ्चालन नियमावली आज पारित हुँदैछ । विहान ११ बजे बस्ने राष्ट्रियसभा बैठकले नियमावली पारित गर्न लागेको राष्ट्रियसभाकी उपाध्यक्ष शशिकला दाहालले जानकारी दिइन्।

आफ्नै कार्य सञ्चालन विधि पारित गर्दै राष्ट्रियसभा

नियमावलीको विषयमा शनिबार नै प्रमुख दलहरुबीच सहमति भईसकेकाले आजको बैठकले नियमावली पारित गर्ने निश्चित रहेको दाहालको भनाई छ।

नियमावली मस्यौदा बनेको लामो समय बितिसक्दा पनि दलहरुबीच मतैक्यता हुन सकेको थिएन। संघीय संसदले गएको शुक्रबार प्रतिनिधिसभा कार्य सञ्चालन नियमावली पारित गरेको थियो।

पारित नियमावलीमा फौजदारी अभियोग लागेका सांसद् निलम्बन नहुने प्रावधान राखिएको छ। जसको चौतर्फी आलोचना भईरहेको छ।

संघीय संसद्को बैठक सुरु भएको तीन महिनापछि प्रतिनिधिसभा कार्य सञ्चालन नियमावली पारित भएको हो। प्रतिनिधिसभाको नियमावली पारित भएसँगै आज राष्ट्रियसभा नियमावली पारित पनि पारित हुन लागेको हो।

राष्ट्रियसभा नियमावली मस्यौदा समितिले तयार पारेको प्रतिवेदन नै अन्तिम नियमावलीको रुपमा पारित हुन लागेको उपाध्यक्ष दाहालको भनाई छ।

समितिले तयार पारेको प्रतिवेदन अनुसार राष्ट्रियसभामा चारवटा विषयगत समिति रहनेछन्। जसमा दिगो विकास तथा सुशासन समिति, विधायन व्यवस्थापन समिति, प्रत्यायोजित व्यवस्थापन समिति र राष्ट्रिय सरोकार तथा समन्वय समिति रहनेछन्।

राष्ट्रियसभाका अध्यक्षको नेतृत्वमा आचरण अनुगमन समिति पनि गठन हुन सक्ने व्यवस्था नियमावलीमा गरिएको छ।

त्यस्तै, सरकारको उत्तरदायित्वभित्रको सार्वजनिक महत्वको कुनै पनि विषयमा राष्ट्रियसभा सदस्यले प्रश्न गर्न पाउने व्यवस्था पनि नियमावलीमा गरिएको छ।

त्यसैगरी प्रतिनिधिसभामा जस्तै राष्ट्रियसभामा पनि सदस्यहरुले उठाएका विषयमा विभागिय मन्त्रीले पाँचदिन भित्र जवाफ दिनुपर्ने प्रावधान पनि नियमावलीमा गरिएको छ।









सम्बन्धित शिर्षक समाचारहरु


रौतहट अनलाईन टिभी
सम्पर्क
Rautahat Media Pvt. Ltd.
Gaur - 8, Rautahat, Nepal
Tel : 0977-55-521595
URL: http://www.rautahatonline.com
Email: rautahatonline@gmail.com

2653255 times visited !

Praveen Kumar Sharma, Editor, 9801023044
सूचना बिभाग दर्ता नम्बर: ६४३/०७४-०७५
Rautahat Media Pvt. Ltd. © All Rights Reserved. 2018
Powered by: ExNet  
Top